Proxecto sectorial de instalación eléctrica nos concellos de Caldas de Reis, Portas, Barro, Moraña, Campo Lameiro e Cotobade - Voz de Barro. Noticias

Breaking

El tiempo en Barro

El tiempo - Tutiempo.net

martes, 21 de junio de 2011

Proxecto sectorial de instalación eléctrica nos concellos de Caldas de Reis, Portas, Barro, Moraña, Campo Lameiro e Cotobade

A Consellería de Industria e Comercio, informa no DOG Núm. 112 do Luns, 13 de xuño de 2011 na Páx. 14528 do ACORDO do 12 de maio de 2011, da Xefatura Territorial de Pontevedra, polo que se somete a información pública a petición da autorización administrativa, aprobación do proxecto de execución, a declaración de utilidade pública, en concreto, e o proxecto sectorial da instalación eléctrica nos concellos de Caldas de Reis, Portas, Barro, Moraña, Campo Lameiro e Cotobade (expediente IN407A2008/575-4).

Denominación: L.A.T. 66 kV Tibo-San Xurxo.

Descricións técnicas: liña de alta tensión a 66 kV, con un 1.º tramo subterráneo de 1.158 metros, con orixe na subestación de Tibo (Caldas de Reis) ata o apoio n.º 1, paso aéreo-subterráneo (PAS), continuando aérea 14.054 metros con condutor LA-280 ata o apoio n.º 44 PAS do cal volve a discorrer en subterráneo 96 metros ata a subestación de San Xurxo (Cotobade). A liña discorre polos municipios de Caldas de Reis, Portas, Barro,Moraña, Campo Lameiro e Cotobade.

Todas aquelas persoas ou entidades que se consideren afectadas poderán presentar as súas alegacións por duplicado nesta xefatura territorial, avenida Fernández Ladreda 43,36003 Pontevedra, no prazo de trinta días, a partir da última publicación ou notificación individual.

Durante o dito período calquera persoa poderá achegar, por escrito, os datos oportunos para rectificar posibles erros na relación de persoas, bens e dereitos afectados, así como formular as posibles alegacions por razón do disposto no artigo 145 do Real decreto 1955/2000 anteriormente citado.

Así mesmo, e no mencionado prazo, poderase examinar nesta xefatura territorial o proxecto da instalación.

O prazo de información pública para o proxecto sectorial é de un mes contado a partir da publicación deste acordo no Diario Oficial de Galicia. O proxecto sectorial poderase examinar nesta xefatura territorial e nos concellos de Caldas de Reis, Portas, Barro, Moraña,Campo Lameiro e Cotobade.


No hay comentarios:

Publicar un comentario