ATENCIÓN: Alertan dunha ''estafa'' na que se requiren donativos para unha asociación de discapacitados - Voz de Barro. Noticias

Breaking

El tiempo en Barro

El tiempo - Tutiempo.net

martes, 27 de diciembre de 2011

ATENCIÓN: Alertan dunha ''estafa'' na que se requiren donativos para unha asociación de discapacitados

A Policía Nacional de Pontevedra alerta aos cidadáns de que varias persoas están a perpetrar unha ''estafa'' pola cal solicitan donativos para ''unha suposta asociación de discapacitados e nenos pobres, ou calquera outra asociación''.

A través dun comunicado, explicou que estas persoas "abordan á xente na rúa cunha especie de portafolios no que se achegan varios folios con dous selos na parte superior". Un deles está borroso'' e o outro é ''un logotipo dunha cadeira de rodas''.

As persoas que así operan, segundo a Policía Nacional --que recibiu ''múltiples queixas'' de veciños--, forman parte de ''unha asociación supostamente ficticia que só persegue o lucro persoal dos que solicitan os donativos''.

Ademais, as forzas de seguridade detectaron que tamén ''intentan subtraer a carteira'' a aqueles que se paran a escoitar as súas peticións.

A ASOCIACIÓN ''SÍ EXISTE''
Por estes feitos, o pasado 22 de decembro foron identificadas dúas mulleres romanesas nas inmediacións de cálea Oliva, que, ''facéndose pasar por sordomudas, solicitaban donativos para unha suposta asociación''. Unha delas foi trasladada a dependencias policiais, dado que carecía de documentación.

En canto á asociación, a Policía pescudou que ''si existe'' e que ten sede en Madrid, aínda que ''non ten a ningunha persoa solicitando donativos polas rúas''.

A maiores, a Policía Nacional de Pontevedra identificou a outra muller, veciña de Pontevedra, como presunta autora dunha falta de furto nun establecemento comercial da cidade, onde subtraeu un perfume valorado en 70 euros.

No hay comentarios:

Publicar un comentario