Manuel Parrado, veciño de Barro, completa con éxito a súa participaciónna proba da Liga Nacional de Orientación en Soria

Os días 21 e 22 de Abril, o veciño de Barro, Manuel Parrado estivo correndo na máxima categoría do deporte de orientación , na Liga Nacional de Orientacion, competindo con 700 corredores doutros trinta equipos de España e Francia;

Participou nas duas probas organizadas pola Federacion Española de Orientacion nas localidades de Palacios de la Sierra e San Leonardo de Yague na comarca soriana de Pinares.

O sábado 21 dita participación foi un pouco máis floxa, xa que o nivel era moi alto, con campeóns nacionais de Francia e España, e mellorou bastante máis na xornada do domingo 22 de Abril.

Manuel Parrado acadou un meritorio  31º posto na súa categoría de entre as 700 persoas participantes, e unha vez máis volveu a levar o nome de Barro, polos paraxes de España e Europa como fai sempre que participa en algún evento nacional ou internacional. 

Dende Voz de Barro, queremos felicitalo polos éxitos acadados e polos futuros, que seguro que terá.