O CENTRO DE TRANSFUSIÓN DE GALICIA REFORZA A CAMPAÑA DE DOAZÓN DE SANGUE PREVIA AOS FESTIVOS DE DECEMBRO - Voz de Barro. Noticias

Breaking

El tiempo en Barro

El tiempo - Tutiempo.net

viernes, 30 de noviembre de 2012

O CENTRO DE TRANSFUSIÓN DE GALICIA REFORZA A CAMPAÑA DE DOAZÓN DE SANGUE PREVIA AOS FESTIVOS DE DECEMBRO

·         As unidades móbiles do CTG visitarán preto de 40 concellos nos vindeiros sete días para aumentar a participación dos doadores e doadoras, nunhas datas nas que aumenta a demanda de compoñentes sanguíneos por mor dos accidentes de tráfico

Santiago de Compostela, venres 30 de novembro de 2012.- A campaña de doazón de sangue, que desenvolve a Consellería de Sanidade por medio do Centro de Transfusión de Galicia (CTG), refórzase nas xornadas previas aos festivos de decembro en previsión dun incremento da demanda de compoñentes sanguíneos por parte dos centros sanitarios galegos.

Lamentablemente, os meses de verán, o Nadal e as pontes festivas soen coincidir cun notable incremento da demanda de compoñentes sanguíneos por parte dos centros sanitarios galegos, xa que nestas datas increméntanse as urxencias derivadas dos accidentes de tráfico. Ademais, no meses de outono e inverno, as inclemencias meteorolóxicas dificultan en gran medida o desenvolvemento das campañas de doazón de sangue.

Desprazamentos
As dez unidades móbiles do CTG visitarán, ao longo dos vindeiros sete días, preto de 40 concellos galegos para acadar a participación necesaria para garantir o desenvolvemento do labor asistencial dos centros sanitarios galegos que, cada día, precisan 500 doazóns de sangue.

O CTG agarda novamente contar coa participación dos cidadáns nesta campaña de doazón de sangue e, para iso, tenta ofrecer as máximas facilidades aos cidadáns, mediante o desprazamento de dez unidades móbiles cada día que efectuarán as seguintes visitas:

DATA
CONCELLOS
Sábado 1 de decembro
Zona Cuatro Caminos (A Coruña), Bertamiráns (Ames), Praza de Armas (Ferrol), Rúa do Paseo (Ourense) e Redondela
Luns 3 de decembro
Arteixo, Barrio Elviña (A Coruña), Barrio Caranza (Ferrol), A Picota (Mazaricos), Praza Roja (Santiago), Alfoz, Barrio Mariñamansa (Ourense), Lalín, Porriño e Zona As Travesas (Vigo).
Martes 4 de decembro
As Pontes, Betanzos, Coristanco, Esteiro (Muros), Pobra do Caramiñal, Foz, O Carballiño, Lalín, Porriño e Zona As Travesas (Vigo).
Mércores 5 de decembro
As Pontes, Betanzos, Carballo, Sigüeiro (Oroso), Ribeira, Viveiro, O Carballiño, Cangas do Morrazo, Cuntis e Tameiga (Mos).
Venres 7 de decembro
Carballo, Carnota, Cedeira, Laxe, Ribeira, Ribadeo, Verín, Cangas do Morrazo, Marín e Moaña.

Ademais, tamén existe a posibilidade de doar sangue nos locais de doazón existentes nas sete grandes cidades galegas.



LUGAR
HORARIO
CENTRO DE TRANSFUSIÓN DE GALICIA (Santiago)
Luns a venres das 8.00 ás 22.00 horas
Sábados das 8.00 ás 15.00 horas
COMPLEXO HOSPITALARIO UNIVERSITARIO DA CORUÑA (A Coruña)
Luns a venres das 8.00 ás 22.00 horas
Sábados das 8.00 ás 15.00 horas
HOSPITAL ARQUITECTO MARCIDE
(Ferrol)
Luns e venres das 8.00 ás 22.00 horas
Martes, mércores e xoves das 15.00 ás 22.00 horas
HOSPITAL LUCUS AUGUSTI (Lugo)
Luns e venres das 8.00 ás 22.00 horas
Martes, mércores e xoves das 08.00 ás 15.00 horas
COMPLEXO HOSPITALARIO DE OURENSE (Ourense)
Luns das 08.00 ás 22.00 horas
Martes, mércores e xoves das 08.00 ás 15.00 horas
Venres das 15.00 ás 22.00 horas
HOSPITAL PROVINCIAL (Pontevedra)
Luns e venres das 08.00 ás 15.00 horas
Martes, mércores e xoves das 15.00 ás 22.00 horas
HOSPITAL NICOLÁS PEÑA (Vigo)
Luns a venres das 8.00 ás 22.00 horas
Sábados das 8.00 ás 15.00 horas

Doar: moi sinxelo
Pode doar sangue calquera persoa de máis de 18 anos, que pese máis de 50 quilos e que non padeza nin teña padecido enfermidades transmisibles polo sangue (VIH, hepatite B ou C,...). A doazón de sangue é un acto sinxelo que permite a moitas persoas solucionar o seu problema de saúde e, mesmo, salvar a súa vida.

Para máis información, o Centro de Transfusión de Galicia dispón da páxina web: ctg.sergas.es e tamén é posible chamar ao teléfono gratuíto de información para resolver calquera dúbida relacionada coa doazón de sangue ou coñecer a data dos desprazamentos das unidades móbiles: 900 100 828

No hay comentarios:

Publicar un comentario