OS CONCELLOS DA PROVINCIA DEBERÁN TER APROBADO ANTES DO 31 DE XULLO ORDENANZAS PARA A XESTIÓN DOS SEUS RESIDUOS - Voz de Barro. Noticias

Breaking

El tiempo en Barro

El tiempo - Tutiempo.net

viernes, 8 de febrero de 2013

OS CONCELLOS DA PROVINCIA DEBERÁN TER APROBADO ANTES DO 31 DE XULLO ORDENANZAS PARA A XESTIÓN DOS SEUS RESIDUOS


Os que se adhiran ao Servizo  Provincial de recollida de lixo non terán que realizar a súa adaptación ao delegar a competencia na Deputación


Os concellos da provincia deberán ter aprobado antes do 31 de xullo de 2013 ordenanzas para a xestión dos seus residuos. A FEMP, coa participación da Deputación de Pontevedra e en colaboración con Ecoembes, elaborou unha Ordenanza Marco de Recollida de Residuos para favorecer o proceso de elaboración en cada concello.

A Deputación de Pontevedra, adiantándose a este imperativo legal, xa preparou un Regulamento que regula ao detalle o servizo provincial de recollida de lixo e que se adaptará á citada Ordenanza marco.

Por esa razón, os concellos que se adhiran ao servizo provincial de recollida de lixo _ata o de agora, 30_ xa non terán que realizar a devandita adaptación ao delegar a competencia na Deputación na denominada Encomenda de Xestión.

A vindeira semana, a Deputación remitirá aos concellos o novo convenio que xa recolle as suxerencias aportadas por todos os concellos da provincia que, no prazo dun mes, deberán mostrar a súa intención de adherirse ou non ao servizo.

A nova Ordenanza Marco de Recollida de Residuos, acordada pola FEMP, presenta diversas novidades e artéllase en tres títulos.

Tres capítulos e grandes novidades

O primeiro presenta a novidade de que será potestade de cada concello recoller os residuos comerciais non perigosos. Nel establecense tamén as obrigas dos cidadáns en relación coa separación e a entrega de residuos. Este apartado, concreta que terán consideración de residuos municipais os domésticos (os dos fogares e tamén os de comercios e industrias, os que haxa nos fogares de aparatos eléctricos, roupa, pilas, mobles, enseres, e os procedentes da limpeza de vías públicas como animais mortos, coches abandonados, etc.).

O segundo título da Ordenanza, adicado ao Servizo de Recollida, distingue entre un servizo ordinario e outro especial, si ben será común a ambos a separación por parte dos cidadáns dos residuos en distintas fraccións para favorecer a reciclaxe. Esta distinción está pensada mais ben para concellos  cun tecido industrial e gran poboación, e non afectará a concellos de menos de 50.000 habitantes que son os que formarán parte do servizo provincial de recollida de lixo.

Posibles sancións a particulares

O servizo ordinario afectará a residuos domésticos procedentes de fogares particulares. E o especial levaráse a cabo polo concello cando o usuario o solicite e, no seu caso, devengará a correspondente taxa ou prezo público: serán residuos domésticos de orixe comercial, industrial ou de servizos; os residuos comerciais non perigosos; os de mercados; os animais domésticos mortos; os voluminosos, como mobles ou enseres; os aparatos eléctricos; os coches abandonados; os residuos de podas e outros similares.

O terceiro título concreta aspectos da Inspección e das Sancións que, en algúns casos, poden afectar a cidadáns e particulares.


No hay comentarios:

Publicar un comentario