A DEPUTACIÓN DE PONTEVEDRA AMORTIZA DÉBEDA POR 24,9 MILLÓNS E DESTIÑA 15 MILLÓNS PARA INVESTIMENTOS NOS CONCELLOS NO 2013 E 7 PARA UN NOVO PLAN DE EMPREGO

As medidas están incluidas nunha modificación de créditos que se aproba mañá en sesión plenaria

·       No 2013, invisteu en varios plans 20 millóns para contratar 3.370 traballadores por 6 meses ou un ano

·       Nos tres últimos anos, a débeda baixou do 101% ao 48% e queda cifrada en 68 millóns.

·       O PID do 2013 contará con 15 millóns e no do 2012, que tivo 18  millóns, foron adxudicatarias 250 empresas.

Un novo Plan de Emprego, dotado con 7 millóns de euros; o destiño de 15 millóns para o Plan de Investimentos (PID) do ano 2013; e a amortización de débeda, por valor de 24,9 millóns de euros, foron as tres novas iniciativas de investimento e emprego presentadas hoxe en rolda de prensa polo presidente da Deputación de Pontevedra, Rafael Louzán, e polo vicepresidente económico, José Manuel Figueroa.

As tres iniciativas, según explicou Louzán, están incluidas na modificación de créditos que mañá aprobará o Pleno da Corporación Provincial.

No capítulo do Emprego, Louzán destacou que, este ano, a Deputación de Pontevedra xenera a contratación de 3.370 traballadores en diversos plans que teñen unha cuantía total de 20 millóns de euros.

Eses plans son, dun lado, os relativos á contratación, cun coste de 3,5 millóns, de 500 becarios, sin experiencia laboral previa, para combatir o paro xuvenil e satisfacer necesidades das distintas administración locais. Tamén a contratación de 720 operarios (12 por concello) non cualificados e parados para desenvolver traballos municipais (limpeza de praias, servizos, etc.). Asemesmo, a ocupación doutros 150 operarios, financiados con convenios coa Xunta. E, finalmente, os que se derivarán do novo Plan de Emprego que, dotado con 7 millóns, mañá será aprobado no Pleno e que, según dixo Louzán <terá carácter innovador>.

<En total, perante o ano 2013, a Deputación xenera a contratación directa de 3.370 traballadores por seis meses ou un ano a través duns plans que teñen unha cuantía de 20 millóns e sen contar as contratacións indirectas que as 250 empresas que desenvolven obras do PID 2012 levan a cabo>, resumeu Louzán.

Na súa comparecencia, Louzán anunciou tamén a aprobación do Plan de Investimentos (PID) para o ano 2013 por 15 millóns de euros para infraestruturas básicas nos concellos. E lembrou que os traballos do PID 2012, dotado con 18 millóns e dos que son adxudicatarias 250 empresas, están saindo a licitación estes días.

Respecto da amortización da débeda, o presidente da Deputación explicou que, este ano, a institución provincial amortizará 24,9 millóns de euros <9 xa previstos nos presupostos e 15 máis incluidos na modificación de créditos que mañá se aproba>.

Louzán, que reiterou que a débeda da Deputación será de <cero euros> no horizonte do 2018, afirmou que <no ano 2010, a débeda da Deputación era do 101% sobre o presuposto de ingresos e agora, a 31 de decembro de 2013, será do 48%: baixamos 53 puntos en só tres anos>. Explicou que, nos últimos tres anos, a Deputación de Pontevedra non acudeu a préstamos e destacou que <con esta amortización extra, a débeda quedará a finais do 2013 en 68 millóns (o 48%) e o aforro neto dos próximos exercicios aumentará en 3,1 millóns de euros>.

Dende o ano 2008, a institución provincial pontevedresa leva amortizados 65,9 millóns: 2 no 2008; 9 no 2009; 11 no 2010; 19 no 2012; e 24,9 este ano de 2013.

Para Louzán, as tres anteditas medidas, incluidas na modificación de créditos de mañá, siguen a liña de actuación fixada polo goberno provincial en canto a rigor orzamentario e austeridade (que suprimeu sete organismos autónomos, paga a 20 días, reduxo personal eventual e número de traballadores, entre outras medidas), en canto a reforzo de cooperación cos concellos (<de nada valería a austeridade se non vai acompañada de medidas orientadas a dar resposta a problemas e demandas dos cidadáns e sentar as bases para o crecemento e o impulso do benestar social>, dixo), e de compromiso social <pois mantivemos o gasto social e o apoio a asociacións e colectivos sen deixar de emprender iniciativas novidosas para impulsar o crecemento e o emprego>, conclueu.