A DEPUTACIÓN POSIBILITA AOS CONTRIBUINTES OBTER, A TRAVÉS DA WEB, DUPLICADOS DOS SEUS RECIBOS SEN NECESIDADE DE TER CERTIFICADO DIXITAL OU DNI.

A Deputación de Pontevedra _a través da Oficiña Virtual Tributaria do ORAL_ puxo en funcionamento unha ferramenta (denominada Web Services) que permitirá aos contribuintes obter, durante o periodo voluntario de cobranza,  duplicados dos seus recibos que non estean aboados ou domiciliados, sen necesidade de dispór de certificado dixital ou DNI.

Con este sistema, os contribuintes só terán que elexir o concepto correspondente _IBI, vehículos, IAE, entrada de carruaxes, etc._, introducir o NIF e o número fixo que identifica o obxecto tributario correspondente e que figura no recibo do ano anterior.

Unha vez obtido o recibo correspondente, o contribuinte poderá imprimilo ou págalo a través dunha entidade bancaria ou ben mediante tarxeta bancaria, utilizando a ferramenta de pagamento da OVT que non esixe autentificación.

Coa incorporación desta ferramenta, o ORAL mellora notablemente a calidade dos servizos que presta ao contribuinte pois evitará desprazamentos innecesarios e reducirá costes derivados da xestión.