Amil une espectáculo e tradición - Voz de Barro. Noticias

Breaking

El tiempo en Barro

El tiempo - Tutiempo.net

lunes, 15 de julio de 2013

Amil une espectáculo e tradición

Un ano máis, Moraña celebra a tradicional ‘Rapa dás bestas de Amil', un acontecemento no que se dan cita os lugares da parroquia. Amantes dos cabalos de Campañó, Caldas de Reis, Cuntis, Campo Lameiro ou Barro, entre outros, chegaron este fin de semana para acudir ao día grande e festivo.
O programa de hoxe inclúe dous rapas: pola mañá celebrarase a partir das 12.00 horas e pola tarde será ás 16.00 horas. Os ‘aloitadores' loitarán unha vez máis cos cabalos para ‘rapalos' e montalos. Os mozos máis aguerridos, os que demostren o seu dominio sobre o animal, recibirán diversos premios. Os animais serán devoltos en liberdade ou serán destinados á venda para a súa comercialización.
A xornada tamén contará con alboradas a cargo dun grupo de gaitas, logo da baixada dos animais ao Monte Acibal e ser reunidos no curro do Pasteiro e dar comezo ao momento máis esperado da xornada.
A sesión de onte tamén contou con espectáculos e orquestras para amenizar a velada. Así mesmo, celebráronse tres curros para deleite dos visitantes.
PREZOS
A venda dos equinos realízase logo da tradicional ‘rapa'. Os prezos varían segundo o equino, pero roldarán os 300 euros, segundo conta o vicepresidente da asociación, Ramón Souto.
A Asociación Cabalar de Amil espera reunir durante este fin de semana ao redor de 400 equinos e máis de 3.000 asistentes que poderán gozar desta ancestral tradición morañesa e que consegue cada ano máis adeptos.

http://diariodepontevedra.galiciae.com/nova/264197-amil-une-espectaculo-tradicion

 

No hay comentarios:

Publicar un comentario