· No que vai de ano recolléronse 42 vehículos para
descontaminación, despece, e destrucción
A Deputación de Pontevedra acordou a renovación do
convenio polo que se establece un servizo concertado de recollida de vehículos
abandonados ou fora de uso, así como a posta en marcha do posterior tratamento
de descontaminación nos municipios de menos de 50.000 habitantes que así o
soliciten.
Un total de 43 concellos beneficiáronse deste plan
durante a súa etapa de vixencia, e a boa acollida do plan dende a súa posta en
marcha en abril de 2011, cun total de 117 vehículos recollidos ata maio do
presente ano, (dos cales 42 vehículos foron retirados no presente ano)
determina a decisión do organismo provincial de renovar o convenio durante 2
anos máis á empresa adxudicataria VIGOTO CAT.
O procedemento a levar a cabo é o seguinte, a
policía local levanta acta do coche abandonado e logo, nun prazo de entre un e
tres meses compróbase se hai reclamación ou se está embargado, no caso de ser
así non se pode tocar). De non producirse este feito, a empresa VIGOTO CAT
retira o coche e procede á súa descontaminación, desmontaxe para reciclaxe e
venta de pezas e ferro, e destrución.
Calidade
medioambiental
Se trata dunha
experiencia que redunda de forma moi positiva no medioambiente e que ademais
ten custo cero, nin para a Deputación nin para os concellos adheridos, xa que a
reutilización e reciclaxe de todos os materiais susceptibles de recollida,
proporciona as compensacións necesarias á empresa adxudicataria.
Con esta iniciativa o organismo provincial
pretende diminuír o crecente número de vehículos abandonados, coa redución da
contaminación visual e ambiental que isto provoca.
No hay comentarios:
Publicar un comentario