O
mapa provincial, a guía de turismo cultural, a guía de rías e ríos e a guía de
turismo familiar, editadas pola Deputación de Pontevedra, foron os folletos
turísticos máis demandados
Este verán as oficinas de turismo da provincia de
Pontevedra rexistraron un 18,6% máis de turistas que con respecto ó verán de
2014. Se temos en conta o dato anual, entre o 1 de xaneiro e o 30 de setembro
de 2015 recibimos un 18,29% máis de turistas que con respecto ó mesmo período
do ano anterior.
O 51,16% dos turistas que viñeron ata a provincia de
Pontevedra foron mulleres que non coñecían as Rías Baixas (74,45%). O 46% dos
visitantes tiñan entre 35 e 60 anos, o 19% son maiores de 60 anos, o 18% teñen
entre 18 e 35 anos e o 17% son menores de 18 anos. Con respecto ó ano 2014,
detectase un turismo máis xuvenil fronte ó 2014, no que o grupo de maiores de
60 anos era máis numeroso.
O 72% dos turistas que nos visitaron este verán
foron españois pero non galegos, o 15% galegos e o 13% estranxeiro,
detectándose, con respecto ó 2014 un incremento do turismo nacional ata un 5%
máis.
A estancia en Galicia foi de 7 días e máis e
aloxáronse en Sanxenxo, Pontevedra, Santiago de Compostela, O Grove, Poio, Vigo,
A Coruña, Cambados, Vilanova de Arousa e Cangas.
Durante este verán, o 43,06% dos turistas aloxáronse
en hoteis, o 17,31% de paso, o 11,8% en apartamentos, o 4,95% en domicilios
particulares e o 3,87% en establecementos de turismo rural. En comparación co
ano 2014, entre o 1 de xaneiro e 30 de setembro de 2015 detéctase unha subida
dos turistas que se aloxan en hoteis (un 14,64% máis), en apartamentos (un
10,23% máis) e en establecementos de turismo rural (un 4,4% máis).
En canto ós motivos que levaron ós turistas a
visitarnos durante este verán destacaron a natureza, a cultura, o Camiño de
Santiago e os eventos. Detéctase un incremento do 20% no interese pola natureza
con respecto ó 2014. Ademais, entre os folletos máis demandados polos turistas
nas oficinas de turismo da provincia de Pontevedra, destacan o mapa provincial,
a guía de turismo cultural, a guía de rías e ríos e a guía de turismo familiar.
O 66,39% dos turistas que nos visitaron durante o
verán de 2015 viñeron en coche, o 14,33% en autobús, o 5,37% en avión, o 4,89%
a pe e o 2,19% en caravana. Detectamos un aumento dos turistas que viñeron en
coche (1,63% máis), en avión (1,34% máis) e en caravana (0,12% máis). Se temos en conta os datos anuais cómpre
destacar a aparición entre os cinco principais medios de transporte ata as Rías
Baixas, do barco.
Pola súa parte, a web de Turismo Rías Baixas obtivo
entre o 1 de xaneiro e o 30 de setembro de 2015 un 3,17% máis de visitas que
con respecto ó mesmo período do ano anterior, procedentes de España (Galicia,
Madrid, Cataluña, Andalucía e País Vasco), Portugal, Francia, Alemania e
Arxentina. Ademais, Turismo Rías Baixas conta con 9.000 seguidores en facebook
e preto de 15.200 followers en Twitter.
No hay comentarios:
Publicar un comentario