Voz de Barro

Síguenos en twitter

O tempo en Barro

Tiempo en Barro

lunes, 23 de mayo de 2016

A DEPUTACIÓN DE PONTEVEDRA ABRE O PRAZO PARA A SOLICITUDE DE CURSOS DE INGLÉS PARA A XUVENTUDE




O prazo de solicitude para as accións formativas que comezan en xuño remata o 24 de maio

A Deputación de Pontevedra está a poñer en marcha, por vez primeira, unha convocatoria de catro cursos de inglés para o turismo, integramente subvencionados pola institución, para mozas e mozos con idades comprendidas entre os 16 e 35 anos que estean empadroadas e empadroados nalgún concello da provincia de Pontevedra. A través destes cursos, a institución provincial pretende impulsar que a xuventude adquira competencias comunicativas en inglés a nivel intermedio que lles permita desenvolverse no contexto específico do sector turístico e da hostalería.

En total, a Deputación de Pontevedra promove, a través do servizo de cohesión social e xuventude, catro cursos de inglés de 40 horas presenciais cada un e cun máximo de 20 prazas por acción formativa. Os cursos terán lugar entre o 6 e 17 de xuño en Sanxenxo (Pazo Emilia Pardo Bazán), entre o 20 de xuño e o 1 de xullo en Cangas do Morrazo (Casa da Cultura), entre o 4 e 15 de xullo en Nigrán (Centro Antena) e do 18 ó 29 de xullo en Vilagarcía de Arousa (Centro de formación CEMIT).

As mozas e mozos interesados, que deberán acreditar coñecementos mínimos de inglés a nivel A2 do Marco Común Europeo de Referencia para as linguas, poderán presentar a solicitude mediante formulario web (www.depo.es) ou impreso. O prazo de presentación de solicitudes xa comezou e rematará o 24 de maio, para Sanxenxo e Cangas, e o 21 de xuño, para Nigrán e Vilagarcía de Arousa.

No hay comentarios:

Publicar un comentario