§
A conselleira
de Medio Ambiente e Ordenación do Territorio, Beatriz Mato, visitou esta mañá a
carpa informativa instalada na zona portuaria de Sanxenxo para a promoción da
Rede galega que aglutina estes espazos naturais
§
Mato Otero
lembrou que neste punto de información pódese adquirir o pasaporte natural,
coñecido como a ‘Compostelana’ dos parques, mediante o cal convídase á
cidadanía a percorrer estes enclaves e coñecer a súa riqueza e singularidade
§
Todas estas
accións -explicou a conselleira- están recollidas no Plan de promoción e posta
en valor do patrimonio natural de Galicia, que contempla ata un total de 29
accións e un investimento de 4 millóns de euros
§
Ademais,
avanzou a próxima presentación dos paquetes de turismo activo elaborados en
colaboración con Turismo de Galicia e que beneficiarán a todos os parques
naturais e a súa contorna
Preto de 90.000 persoas visitaron ata o pasado mes de xullo algún dos
seis parques naturais de Galicia atraídos por un turismo diferenciado e de
calidade. Así o indicou a conselleira de Medio Ambiente e Ordenación do
Territorio, Beatriz Mato, durante a súa visita esta mañá á carpa informativa
instalada na zona portuaria de Sanxenxo para a promoción da Rede galega que
aglutina estes espazos naturais.
A titular do
departamento autonómico destacou a vila de Sanxenxo como “un dos mellores
escaparates” para dar a coñecer a riqueza natural e paisaxística de Galicia, representada,
entre outros espazos, nos seis parques cos que conta a Comunidade e que están a
consolidarse como un referente do turismo activo e de contacto coa natureza.
Neste senso,
Beatriz Mato explicou que esta actividade turística require dunha planificación
coherente e ordenada, que garanta a preservación deste enclaves especialmente
sensibles e a conservación da súa autenticidade e valores patrimoniais, tanto
desde o punto de vista natural como cultural.
“Por iso
-engadiu-, puxemos en marcha o Plan de promoción e posta en valor do patrimonio
natural de Galicia cuxo obxectivo é converter os espazos naturais en lugares
máis coñecidos e recoñecidos polos galegos e as persoas que nos visitan, sempre
desde un punto de vista sustentable”.
De feito,
accións como a que tivo lugar hoxe en Sanxenxo e que xa pasou pola cidade de
Vigo, forman parte desta planificación, que contempla un total de 29 actuacións
e dispón dun orzamento de 4 millóns de euros que se investirán ao longo dos
vindeiros catro anos.
Unha desas
actuacións é a creación do pasaporte natural, tamén coñecido como a
‘Compostelana’ dos parques naturais de Galicia, que se pode adquirir na carpa
de información e tamén nos centros de acollida de visitantes de todos os
parques de Galicia. Con esta iniciativa, recordou a conselleira, “queremos
convidar á cidadanía a percorrer todos os parques da Comunidade e deixar
constancia do seu paso mediante un selo”. A idea é, polo tanto, “achegar ás
persoas á riqueza e singularidade do noso patrimonio natural”.
Paquetes
turísticos
O Plan de
promoción e posta en valor do patrimonio natural de Galicia contempla, tamén, a
participación en feiras turísticas como xa se fixo en Intur, Delta Birding
Festival, Birdfair ou Fitur. Igualmente, prevé a creación, en colaboración con
Turismo de Galicia, de paquetes de turismo activa, que xa se puxeron en marcha
no Xurés e que se estenderá ao resto dos parques de Galicia.
Neste senso,
a conselleira de Medio Ambiente asegurou que a elaboración destes paquetes
turísticos cos que se pretende dar a coñecer a totalidade destes enclaves
avanza a bo ritmo e poderán ser presentados proximamente.
Por último,
subliñou a activación da páxina web e aplicación informática da Rede de Parques
de Galicia como outra das acción previstas no Plan de promoción e a realización
de programas de voluntariado ambiental e a actividade ‘Dinamizando o medio
ambiente’ dirixidas a mozos de entre 16 e 30 anos.
No hay comentarios:
Publicar un comentario