Voz de Barro

Síguenos en twitter

O tempo en Barro

Tiempo en Barro

martes, 6 de marzo de 2018

Aberto o prazo de alegacións ao proxecto de senda peonil e ciclista entre a Devesa e Bretoña


A Consellería de Infraestruturas e Vivenda publica este luns no Diario Oficial de Galicia (DOG) o anuncio polo que se somete a información pública o proxecto do itinerario peonil e ciclista na estrada PO-531, no treito entre A Devesa e Bretoña, nos concellos de Pontevedra e de Barro.
O prazo para presentación de informes e alegacións abranguerá dende o martes ata o vindeiro 18 de abril. 
Trátase do primeiro dos 8 proxectos que está a desenvolver a Xunta no marco do Plan de Sendas na comarca de Pontevedra, que contempla un investimento de 3 millóns de euros para a construción de itinerarios seguros e sustentables.
O proxecto define a execución de dous tramos de senda que suman 3,4 quilómetros, na marxe esquerda da estrada, entre a intersección coa estrada da Deputación a Sabarís e A Devesa, que permitirá comunicar os núcleos de Sabarís, Bispo e A Devesa, no Concello de Pontevedra; e na esquerda, entre Bretoña e Ponte de Curro, no Concello de Barro.
A senda iníciase na glorieta executada pola Xunta en 2017 no acceso ao polígono de Sequeiros e finaliza na glorieta coa estrada da Deputación a Ponte do Curro. Nos últimos 300 metros antes desta glorieta prevese tamén a construción de senda pola marxe dereita. Ademais, executarase unha semiglorieta na intersección coa PO-224 e outra no acceso a Bretoña.
A sección tipo consta dunha senda en formigón coloreada de 2 metros de ancho, incluído o bordo de separación, á que se engade nos tramos nos que o espazo dispoñible o permite unha banda axardinada e unha cuneta tendida de seguridade.

http://pontevedraviva.com/xeral/43982/abierto-plazo-alegaciones-proyecto-senda-peatonal-ciclista-devesa-bretona/

No hay comentarios:

Publicar un comentario