ADOS CHAMA A PARTICIPACIÓN DA CIDADANÍA POLO DESCENSO NAS RESERVAS DE COMPOÑENTES SANGUÍNEOS

§  A Axencia de Doazón de Órganos e Sangue indica que é preciso incrementar o número de doazóns, especialmente dos grupos A Positivo e Cero Negativo

§  Diariamente, os hospitais galegos precisan entre 400 e 500 doazóns de sangue para levar a cabo axeitadamente o seu labor asistencial

     

A Axencia de Doazón de Órganos e Sangue (ADOS), fai un chamamento á doazón da cidadanía e, moi especialmente, aos grupos A Positivo, Cero Positivo e Cero Negativo, popularmente coñecido como doador universal. As reservas destes grupos presentan niveis baixos, polo que resulta preciso reforzar o chamamento á participación nas campañas de doazón que fai a Consellería de Sanidade por medio de ADOS. Cómpre lembrar que os hospitais galegos precisan entre 400 e 500 doazóns diarias para levar a cabo axeitadamente o seu labor asistencial.

A dirección da Axencia convida ás galegas e galegos a continuar amosando a súa xenerosidade e solidariedade e, aínda que nestes días precísase aumentar o número de doazóns dos grupos A Positivo, Cero Positivo e Cero Negativo, o chamamento é xeneralizado á participación de todos os doadores e doadoras.

Facilitar a participación

ADOS agarda, novamente, contar coa participación dos cidadáns e, para iso, ofrecerá as máximas facilidades para doar, mediante o desprazamento de dez unidades móbiles que efectuarán as seguintes visitas:

DATA	CONCELLOS
Martes 11 de decembro	Narón, O Burgo (Culleredo), Mapfre (A Coruña), Praza Roja (Santiago), Burela, Rúa do Paseo (Ourense), Marín e Zona As Travesas e Rúa Príncipe (Vigo)
Mércores 12 de decembro	Pontedeume. O Burgo (Culleredo), Campus Vida e Praza Roja (Santiago), Vilalba, Cartelle, Toén, Zona Ferrería (Pontevedra), Rúa Príncipe (Vigo) e Vilanova de Arousa
Xoves 13 de decembro	Praza de Armas (Ferrol), Zara-Loxística (Arteixo), Repsol (A Coruña), Os Tilos (Teo), CRTVG-San Marcos (Santiago), Bertamiráns (Ames), Outeiro de Rei, Taboada, CIF Galfor (San Cibrao), Oimbra, Vilar de Barrio, O Grove, Salceda de Caselas e Vilagarcía
Venres 14 de decembro	Praza de Armas (Ferrol), Zara-Loxística (Arteixo), Repsol (A Coruña), Noia, Bertamiráns (Ames), Praza Maior (Lugo), Xinzo de Limia, O Grove, Tui e Vilagarcía
Sábado 15 de decembro	Praza de Armas (Ferrol), Urb. Rialta (Oleiros), Noia, Nogueira de Ramuín, Xunqueira de Espadañedo, Tui e Vilagarcía.