§ A directora xeral de
Calidade Ambiental e Cambio Climático participou hoxe na plantación de árbores,
unha acción dentro da iniciativa Camiño da reciclaxe para protexer a contorna
natural pola que transcorre a ruta Xacobea
A directora xeral de Calidade Ambiental
e Cambio Climático, Cruz Ferreira Costa, destacou esta mañá o papel dos peregrinos
do Camiño de Santiago para loitar e evitar a basuraleza nos distintos
percorridos deste itinerario histórico; ao tempo que se converten en
embaixadores dos recunchos naturais de Galicia.
A directora xeral Calidade
Ambiental e Cambio Climático, Cruz Ferreira Costa, participou na plantación de
árbores, unha acción dentro da iniciativa Camiño da reciclaxe, un proxecto no
que colabora a Consellería de Medio Ambiente, para protexer a contorna natural
pola que transcorre a ruta Xacobea e facilitando ao peregrino e aos albergues
ferramentas para poder reciclar e evitar a basuraleza.
Sinalou que unha das
principais novidades desta edición do Camiño da Reciclaxe foi a Compostela do
EcoPeregrino, para incrementar e dar visibilidade ao compromiso dos peregrinos
coa reciclaxe e co coidado do medio ambiente. Deste xeito, animábase aos
camiñantes a subir ás redes sociais unha foto da súa Compostela do EcoPeregrino
con selos dos albergues participantes no proxecto baixo o cancelo
#EcoPeregrino. A directora destacou que este pequeno xesto é unha gran mostra
do seu compromiso ambiental e grazas á suma de todos estes esforzos a
recompensa visualízase hoxe coa plantación de carballos, cerdeiras e nogueiras
nunha parcela dunha hectárea de superficie na localidade de Caldas de Reis.
Cruz Ferreira Costa tamén
agradeceu o traballo e implicación dos máis de 200 Ecoalbergues que participan
neste proxecto e aos que se equipou con papeleiras amarelas e azuis, selos
identificativos de EcoAlbergues, ecotips para concienciar da importancia
do aforro de luz e auga nas súas instalacións, material informativo e bolsas
reutilizables feitas con botellas de plástico recicladas para que repartan aos
peregrinos e así evitar a basuraleza no Camiño.
No hay comentarios:
Publicar un comentario