UN TOTAL DE CATORCE EMPRESAS PRESENTAN AS SÚAS OFERTAS PARA EXECUTAR A MELLORA DE FIRME EN CINCO ESTRADAS AUTONÓMICAS DAS COMARCAS DO SALNÉS, PONTEVEDRA E CALDAS DE REIS - Voz de Barro. Noticias

Breaking

El tiempo en Barro

El tiempo - Tutiempo.net

martes, 2 de junio de 2020

UN TOTAL DE CATORCE EMPRESAS PRESENTAN AS SÚAS OFERTAS PARA EXECUTAR A MELLORA DE FIRME EN CINCO ESTRADAS AUTONÓMICAS DAS COMARCAS DO SALNÉS, PONTEVEDRA E CALDAS DE REIS


 

§  A actuación, licitada por preto de 1 millón de euros, ten un prazo de execución de 6 meses e acometerase este ano

§  Actuarase nas vías PO-301, PO-529, PO-530, PO-531 e V.G-4.7, ao seu paso polos concellos de Vilanova de Arousa, Vilagarcía de Arousa, Caldas de Reis, Barro e Meis

 

 Un total de catorce empresas veñen de presentar as súas ofertas para executar as obras de mellora de firme en cinco estradas autonómicas das comarcas do Salnés, Pontevedra e Caldas de Reis, licitadas por importe de preto de 1 millóns de euros.

Esta intervención terá un prazo de execución de 6 meses e o obxectivo da Consellería de Infraestruturas e Mobilidade é acometer os traballos este mesmo ano 2020.

As actuacións incluídas neste contrato levaranse a cabo en varios tramos das estradas PO-301, PO-529, PO-530, PO-531 e V.G-4.7, ao seu paso polos concellos de Vilanova de Arousa, Vilagarcía de Arousa, Caldas de Reis, Barro e Meis.

Os traballos consisten na rehabilitación do firme e a reposición da sinalización en varios treitos destas estradas. Así, na PO-301, que comunica as localidades de Ponte Arnelas e Vilagarcía de Arousa, os traballos centraranse nos treitos entre os puntos quilométricos  0+019 e 1+169; 2+262 e 6+589; e do 1+241 ao 2+262.

Na estrada PO-529, que conecta a estrada PO-549 coa VG-4.3, nas proximidades de Vilagarcía de Arousa, actuarase na glorieta de conexión coa PO-549, xunto cos seus ramais de acceso e os 211 primeiros metros do tronco.

No caso da PO-530, que une a estrada PO-549 coa VG-4.3, á altura da Illa de Arousa, a intervención centrarase en dous treitos, o que vai do punto quilométrico 0+071 ao 0+982 e do 1+137 ao 2+265.

Na estrada PO-531, que conecta as localidades de Pontevedra e Vilagarcía de Arousa, actuarase nos treitos entre os puntos quilométricos 9+500 e 10+200 e do 11+773 ao 18+744.

Finalmente, actuarase na V.G-4.7, vía de alta capacidade que circunvala Vilagarcía polo este desde a glorieta do enlace coa PO-531 e a N-640 ata Carril. En concreto, os traballos realizaranse no carril dereito, entre os puntos quilométricos 7+318 e 7+475, e no carril esquerdo, entre o 7+320 e 7+483.

No hay comentarios:

Publicar un comentario