O
director xeral de Maiores e Persoas con Discapacidade, Ildefonso de la Campa, reuniuse
con alcaldes da provincia de Pontevedra para dar conta desta orde
§
A Administración autonómica
ten aberto desde principios deste mes o prazo de presentación de solicitudes
§
Os requisitos para acceder a
estas subvencións son máis flexibles e poderán pedilas todos os concellos que
non teñan un centro de día
§
Ábrese o perfil dos usuarios
tamén aos maiores con autonomía, polo que xa non será necesario que conten
cunha valoración de dependencia
O director xeral de Maiores e Persoas con Discapacidade, Ildefonso de la
Campa, acompañado do delegado territorial da Xunta de Galicia en Pontevedra,
José Manuel Cores Tourís, reuniuse esta semana con alcaldes de concellos da
provincia para informarlles sobre as novas axudas para a creación de casas do
maior. A Xunta ten aberto desde principios deste mes o prazo de presentación de
propostas para estender a máis concellos estes pequenos centros de día para
maiores, que non teñen coste algún para os seus usuarios.
Actualmente este recurso xa existe nos
concellos pontevedreses de Arbo e Pazos de Borbén. Esta nova orde de achegas, xa
publicada no Diario
Oficial de Galicia (DOG), permitirá chegar ás 60 casas do maior en
funcionamento este mesmo ano. Ildefonso de la Campa explicou que nesta nova
convocatoria os requisitos para acceder ás axudas son máis flexibles xa que
poderán contar cunha casa do maior financiada ao 100% pola Administración
autonómica tanto os concellos de menos de 5000 habitantes como todos os que non
teñan un centro de día, aínda que seguirán primando as localidades pequenas.
O director xeral de Maiores apuntou outras novidades,
como a de que se amplía o perfil das persoas usuarias: xa non será necesario
que conten cunha valoración de dependencia, senón que poderán asistir a estas
casas os maiores que sexan autónomos. Ademais, a Xunta financiará ás persoas
promotoras destas casas para que trasladen aos maiores usuarios desde os seus
domicilios, ida e volta.
Esta segunda convocatoria de casas do maior
conta cun orzamento global de 1,3 millóns de euros. Ildefonso de la Campa
sinalou aos rexedores que deste crédito, 830.000 euros son para adecuación das
casas, cun límite de 15.000 euros por centro; e os 500.000 euros restantes para
o seu funcionamento diario, con 19.600 euros ao ano por cada casa do maior.
No hay comentarios:
Publicar un comentario