“Á túa medida" 2011. Asesoramento individualizado en Visual Merchandising para os comerciantes da provincia

 A Deputación de Pontevedra, a través da súa Área de Comercio, desenvolveu nos anos 2009 e 2010 a actividade Plan “A túa Medida” de asesoramento individualizado en Visual Merchandising para os comerciantes da provincia, enmarcada dentro da liña estratéxica “Formación e cualificación do sector comercial” do Plan Director de Comercio 2009 - 2012.

 O obxecto da presente convocatoria é a selección de pequenos/as comerciantes da provincia de Pontevedra para ofrecerlles a oportunidade de recibir un asesoramento personalizado e presencial en Visual Merchandising adaptado ás necesidades concretas dos seus negocios.

O asesoramento pretende dotar aos responsables de 50 comercios da provincia de Pontevedra dos coñecementos e habilidades precisos para presentar os seus produtos de xeito que resulten o máis atractivos posibles aos seus clientes, que aprendan a proxectar un “punto de venda” que se diferencie pola súa imaxe coa intención de conseguir que os pequenos comercios da provincia de Pontevedra sexan recoñecidos por proxectar unha imaxe e uns valores desexables como distintivo. 

Poderanse acoller a este programa os empresarios/as autónomos/as e sociedades mercantís dedicadas ao pequeno comercio que desenvolvan a súa actividade comercial na provincia de Pontevedra e que atendan ás seguintes características:

• Estar incluídas nos epígrafes 64, 65 y 66 do Imposto sobre Actividades Económicas ou na rama 52 da CNAE.
• Contar cunha antigüidade mínima de 6 ou máis anos.
• Ter 3 ou menos empregados por conta allea e/ou titular.
• Que a superficie da sala de ventas non supere os 150m2. 

Máis información das bases e solicitude pinchando aquí neste enlace.