Os traballos de estendido da nova
capa de rodadura aplícanse en toda a lonxitude da AG-41 e nos ramais de enlace,
e terá unha duración estimada de 5 semanas
§ Case todos os
desvíos realizaranse trasladando o tráfico ao carril interior da outra calzada
entre os dous pasos de mediana máis próximos ao tramo en execución
§ A intervención entre os enlaces de Curro e Ribadumia, que se realizará
en dúas fases, fará necesario a derivación total do tráfico a través das
estrada PO-300, EP-9305 e
VG-4.2 e se prevé completar cada unha das mesmas nunha única xornada
§ Se as condicións meteorolóxicas o permiten, en
sentido Sanxenxo habilitarase o desvío este xoves, e en
sentido AP-9 producirase a finais de outubro coincidindo coa última xornada dos traballos
§ Na programación das obras tense en conta a celebración da Festa do
Marisco do Grove, do 3 ao 13 de outubro, que non coincidirá con ningún destes
desvíos totais
§ Esta actuación extraordinaria prevista pola Consellería de
Infraestruturas e Mobilidade no contrato de concesión desta infraestrutura
supón un investimento superior aos 5,1 millóns de euros
Os avances na execución das obras de renovación extraordinaria do
pavimento na autovía do Salnés obrigarán a desviar o tráfico a partir desde
mércores, día 25, para o que se habilitarán pasos alternativos evitando cortes
na circulación dos vehículos, ao tempo que se compatibilizan as necesidades das
obras e garante a seguridade dos usuarios e operarios.
Trátase da execución dos traballos de
estendido da nova capa de rodadura a aplicar en toda a lonxitude da AG-41 e nos
ramais de enlace, que se estenderá a calzada completa para evitar a formación
de xuntas lonxitudinais na mesma. A intervención terá unha duración estimada de
5 semanas, sempre que as condicións meteorolóxicas sexan favorables.
Segundo establece o programa das obras, case todos os desvíos realizaranse trasladando o tráfico ao
carril interior da outra calzada entre os dous pasos de mediana máis próximos
ao tramo en execución, cunha lonxitude máxima de 4 km.
Tan só haberá dúas excepcións no tipo de
desvío necesario para executar estas obras,
que coincide cos traballos de estendido da nova capa de rodadura entre
os enlaces de Curro e Ribadumia, dos puntos quilométricos 3 a 3,7, en ambas as
calzadas. Traballos cuxa execución fan necesario o desvío total do tráfico.
Deste xeito, dado que non existe paso de
mediana anterior á Ligazón de Curro, é obrigado o desvío do tráfico entre os
enlaces do Curro (punto quilométrico 1,8) e Ribadumia ( punto quilométrico
9,2), a través da estrada PO-300, EP-9305 e
VG-4.2, nun traxecto dun 11,5 quilómetros.
Máis en concreto, en sentido
Sanxenxo este desvío producirase o día de comezo dos traballos, que se as
previsión meteorolóxicas o permiten poderán efectuarse este xoves día 26, mentres que en sentido AP-9 o desvío producirase na última xornada de traballos,
prevista para finais de outubro. Os desvíos serán sinalizados en cada
cruzamento dese percorrido, e cada unha destas fases se prevé completar nunha
única xornada.
No enlace de San Martiño (Meis), o tráfico en
sentido Sanxenxo desviarase aproveitando a vía colectora que discorre paralela
á área de servizo.
Nalgúns casos os desvíos impedirán que os
vehículos poidan saír da autovía do Salnés por algún enlace no sentido de
circulación, para o que se garantirá sempre a circulación ata o seguinte enlace
e facer un cambio de sentido para saír polo enlace desexado desde a outra
calzada, o que estará adecuadamente sinalizado. Igualmente o acceso á AG-41 a
través dun enlace deberá facerse puntualmente en sentido contrario para facer o
cambio de sentido no anterior e pasar a circular xa no sentido desexado.
Cabe sinalar tamén que na programación desta
intervención tense tamén en conta a celebración da Festa do Marisco do Grove,
do 3 ao 13 de outubro, que no coincidirá
con ningún destes desvíos totais.
Cómpre lembrar que esta actuación da
continuidade aos traballos iniciados o pasado mes de xuño, e interrompidos en
verán para retomarse novamente en setembro, e que supoñen un investimento
superior aos 5,1 millóns de euros. As obras teñen un prazo de execución total
de 8 meses, pero estímase que coa planificación aprobada poderán estar
rematadas este mesmo ano.
Está actuación está prevista no
contrato de concesión desta infraestrutura autonómica, e está a ser executada,
por tanto, pola sociedade concesionaria, de acordo cun proxecto supervisado e
aprobado pola Axencia Galega de Infraestruturas.
No hay comentarios:
Publicar un comentario