§ Afirma que a Xunta
seguirá traballando para que os galegos de máis idade gocen dunha atención da
máxima calidade, alí onde o desexen
§ Lembra que, hoxe, o servizo de Axuda no Fogar
dá apoio a máis de 23.000 galego e o programa Xantar na casa leva menú diario a
máis de 1.300 maiores
§ Precisou que, nestes
últimos 10 anos incrementouse nun 42% o número de prazas públicas de
residencias de maiores, ata chegar hoxe a máis de 7.900
O presidente da Xunta, Alberto Núñez Feijóo, avanzou hoxe unha achega de
10 millóns de euros anuais para incrementar as contías que reciben 19.000
dependentes: un 10% para aqueles que son coidados na casa por unha persoa da
súa contorna; un 15% para aqueles galegos con discapacidade e que dispoñen dun
asistente persoal; e, ás persoas que contan cun apoio económico para pagar unha
praza de residencia da súa elección incrementarase un 20% a contía para as
dependencias de grao I e III, e un 75% para as dependencias de grao II.
Durante
unha visita ás instalacións da nova residencia de maiores na parroquia de
Cesantes, en Redondela, Feijóo destacou que a Xunta seguirá traballando para
que os galegos de máis idade gocen dunha atención da máxima calidade, alí onde
o desexen. “Levamos dez anos cumprindo e seguiremos facéndoo de cara á vindeira
década, con máis prazas, con máis prestacións e, en definitiva, con mellores
coidados”, dixo, lembrando que, hoxe, o servizo de Axuda no Fogar dá apoio a
máis de 23.000 galegos; o programa Xantar na casa leva menú diario a máis de
1.300 maiores; e triplicouse o número de prazas públicas de centro de día,
superando as 3.300.
Así mesmo, o
responsable do Goberno galego referiuse á posta en marcha da primeiras 30 Casas
do Maior, que permitirán prestar atención diúrna aos maiores dos concellos de
menos de 5.000 habitantes. E resaltou que, actualmente son xa máis de 60.000 as
persoas dependentes que están atendidas na Comunidade por unha prestación ou
servizo público, é dicir, catro veces máis das que había hai unha década.
De xeito
paralelo, Feijóo precisou que, nestes últimos 10 anos incrementouse nun 42% o
número de prazas públicas de residencias de maiores, ata chegar hoxe a máis de
7.900. E, no que vai de lexislatura puxéronse en funcionamento varios centros
públicos: o Centro de día de Curtis; o Centro de día da Pobra do Caramiñal; o
Centro de día de Maceda; o Centro de día de Cambados; o Centro de día e
residencia de Arteixo; o Centro de día e residencia de Vilardevós; o Centro de
día e residencia de Paradela; e, este centro de día e residencia de Cesantes,
en Redondela.
Sobre este
último, o titular do Executivo autonómico subliñou que estas instalacións
ofrecen 25 prazas de centro de día e 21 prazas públicas de residencia. “Estamos
a falar dun centro que conta coas máximas prestacións: sala de fisioterapia e
ximnasio, sala de usos múltiples con zona de xogos e un
No hay comentarios:
Publicar un comentario