Tra-lo parón do ano pasado, como consecuencia da pandemia, este ano, voltamos a abrir as piscinas da Comunidade, si ben, debemos ter en conta as restricións marcadas pola actual situación epidemiolóxica, e as posibles variacións que poidan ir xurdindo.
Unha das principais novidades, vai ser a limitación de aforo. Concretamente, no vaso grande, o número máxima de bañistas será de 24 persoas, mentres que no vaso pequeno, o número, redúcese a 10. 
No que se refire ao aforo da zona de praia, deberase cumprir sempre o establecido na normativa vixente, seguindo as indicacións do monitor. Estamos pendentes de aclarar cal vai ser o aforo os días de choiva, cando a cuberta estea pechada.
Recordar, este ano, máis que nunca, que o acceso ás instalacións, é exclusivo para os veciños e veciñas que se atopen residindo neste momento na parroquia de Curro. Absterse de traer acompañantes dado o limitado do aforo. Sexamos solidarios coa nosa veciñanza.
O horario, será de luns a venres de 14.30 a 21.00 horas e os sábados, domingos e festivos, de 12 a 21 horas, sendo susceptible de variación, atendendo ás distintas circunstancias que poidan xurdir.
: o uso de máscara dentro das instalacións é obrigatorio, excepto no momento do baño ou mentres se permaneza nun espazo determinado sen desprazarse e sempre e cando se poida manter a distancia interpersoal de 1,5 metros
Zonas de estadía das piscinas:◦ Capacidade mínima: 4 m2/persoa, agás conviventes.
◦ Situación de obxectos persoais, toallas, mochilas, etc..: SEMPRE que se poida manter a distancia de seguridade interpersoal.
◦ Límite máximo de 15 persoas por grupo, sendo OBRIGATORIO O USO DA MÁSCARA, agás no caso de persoas conviventes 
No momento do acceso ás instalacións será OBRIGATORIO dirixirse ao socorrista para rexistrarse, debendo facilitar, nome, apelidos, enderezo e un teléfono de contacto, todo elo, por si fose necesario contactar con esa persoa por parte das autoridades sanitarias, en relación a calquera incidencia que tivera lugar.
O uso dos aseos, farase previa petición das chaves ao socorrista, realizándose unha limpeza inicial antes do horario de apertura e outra ao longo da tarde. Queda prohibido o uso das duchas interiores do Centro Social. Tampouco haberá tumbonas, nin zonas de sombra, como outros anos. 
Para que a instalación sexa disfrutada polo maior número de veciños e veciñas, e dado a limitación de aforo do vaso, rógase ir rotando, e non estar periodos longos na auga. Si se observase esta conducta, o socorrista procederá a avisar a ese bañista, para que salga da piscina.
Recordar que os menores de 12 anos deberán estar acompañados en todo momento dun adulto. Estas normas, poderán mudar atendendo a situación de cada momento.
Sabemos que estamos nunha situación nova e diferente, esperando poder voltar o ano que ven, á anterior normalidade, pero, coa colaboración de todos e cada un de vos, pensamos que vai ser posible disfrutar das piscinas este verán. Ese é o noso desexo 
No hay comentarios:
Publicar un comentario