― A secretaria xeral de Igualdade, Susana López Abella, e o delegado territorial, Luis López, informan destas achegas, que benefician ao 82% dos municipios e permiten soster 27 Centros de Información á Muller con 70 traballadores
― A Xunta distribúe estes fondos noutros tres programas, centrados na prevención e eliminación da violencia de xénero, o fomento da igualdade e as accións de conciliación, que verá incrementada a súa partida para atender a máis concellos
― Un total de 16 entidades locais das bisbarras de Pontevedra e Caldas benefícianse este ano destas axudas por un importe global de 540.000 euros
A Xunta de Galicia, a través da Consellería de Emprego e Igualdade, vai destinar este ano máis de 1,6 millóns de euros en axudas para a promoción da igualdade e a prevención de violencia de xénero, entre outras accións, a prol de 50 concellos da provincia de Pontevedra, o que supón que estas achegas beneficiarán ao 82% dos municipios.
A secretaria xeral da Igualdade, Susana López Abella, e o xefe territorial da Xunta de Galicia en Pontevedra, Luis López, informaron desta resolución nunha convocatoria celebrada no edificio administrativo de Campolongo, na que explicaron que o Executivo autonómico dedica este ano case 6,5 millóns de euros a estas accións por parte dos concellos “co obxectivo de seguir avanzando na consecución dunha sociedade igualitaria e dar continuidade a todos estes programas que, dende o ano 2015, axudaron a máis de 50.000 mulleres e 17.500 familias grazas a un investimento de 30 millóns de euros”, segundo detallou López Abella.
A Secretaría Xeral da Igualdade distribúe estas achegas en catro programas consistentes no sostemento dos Centros de Información á Muller, a promoción da igualdade, as iniciativas de prevención e eliminación da violencia de xénero e o fomento da conciliación.
“Na provincia de Pontevedra axudamos ao mantemento de 27 Centros de Información á Muller, moitos dos cales están agrupados entre varios concellos, polo que dámoslle apoio a unha cobertura que chega a case todo o territorio e que conta con 70 profesionais que prestan asesoramento, atención psicolóxica e calquera tipo de axuda ás mulleres”, explicou a secretaria xeral, que revelou tamén que o programa de fomento da conciliación esgotou o seu crédito para este exercicio pola elevada cifra de solicitudes presentadas polos concellos, polo que vaise ampliar de xeito inminente esta partida para dar a maior cobertura posible.
En canto ás bisbarras de Pontevedra e Caldas, as axudas de Igualdade benefician, no marco destes catro programas, a un total de 16 concellos que recibirán, en conxunto, unhas achegas de 540.000 euros para o desenvolvemento de todas estas iniciativas.
|
Axudas 2021 da SX de Igualdade aos concellos de Pontevedra e Caldas |
||||
|
Concello |
CIM |
Igualdade |
Prevención |
Conciliación |
|
A Lama |
60.000€ * |
|
|
|
|
Poio |
45.000€ |
|
|
|
|
Caldas |
53.000€ * |
|
|
|
|
Marín |
43.992€ |
|
|
|
|
Bueu |
45.000€ |
|
|
|
|
Pontevedra |
45.000€ |
|
|
|
|
Valga |
34.688€ * |
|
|
15.000€ |
|
Ponte Caldelas |
45.000€ |
|
|
|
|
Vilaboa |
56.000€ * |
|
|
|
|
Catoira |
|
4.347€ |
|
|
|
Cerdedo-Cotobade |
60.000€ * |
8.000€ |
|
28.000€ |
|
Cuntis |
|
6.000€ |
6.884€ |
15.000€ |
|
Moraña |
34.688€ * |
5.898€ |
|
|
|
Pontecesures |
|
5.899€ |
|
15.000€ |
|
Barro |
53.000€ * |
|
|
|
|
Portas |
53.000€ * |
|
|
|
* Os concellos sinalados teñen o Centro de Información á Muller agrupado con servizo compartido.
No hay comentarios:
Publicar un comentario