A XUNTA CONVOCA O MARTES AOS CONCELLOS DA ÁREA DE PONTEVEDRA PARA ABORDAR A POSTA EN MARCHA DO PLAN DE TRANSPORTE METROPOLITANO - Voz de Barro. Noticias

Breaking

El tiempo en Barro

El tiempo - Tutiempo.net

domingo, 22 de abril de 2018

A XUNTA CONVOCA O MARTES AOS CONCELLOS DA ÁREA DE PONTEVEDRA PARA ABORDAR A POSTA EN MARCHA DO PLAN DE TRANSPORTE METROPOLITANO




§  A Consellería de Infraestruturas e Vivenda impulsa así a activación deste Plan social de transporte cos concellos de Barro, Bueu, Campo Lameiro, Cerdedo-Cotobade, Marín, Moraña, Poio, Ponte Caldelas, Pontevedra, Sanxenxo, Soutomaior e Vilaboa
§  O Goberno galego cumpre co seu compromiso de estender este ano a Pontevedra o Plan de transporte metropolitano que xa funciona na Coruña, Ferrol, Lugo, Santiago e Vigo
§  O uso da Tarxeta de Transporte Metropolitano permite descontos medios do 50% nas viaxes metropolitanas, bonificacións adicionais do 15% para usuarios frecuentes, e descontos extra de ata o 50% para familias numerosas
§  Os menores de 19 anos tamén se están a beneficiar dende agosto de 2016 da tarxeta Xente Nova, coa que lles resulta gratis o transporte interurbano metropolitano, polo que xa se emitiron un total de 43.063 dispositivos

 A Consellería de Infraestruturas e Vivenda convoca para o vindeiro martes aos concellos da área de Pontevedra para abordar a posta en marcha do Plan de Transporte Metropolitano. Na xuntanza, na que participarán a conselleira Ethel Vázquez, e o director xeral de Mobilidade, Ignacio Maestro, presentaráselles aos municipios o proxecto previsto para o desenvolvemento desta iniciativa na comarca de Pontevedra, coas súas estimacións económicas e as repercusións para os usuarios.
Os municipios convocados para abordar a posta en marcha do plan son Barro, Bueu, Campo Lameiro, Cerdedo-Cotobade, Marín, Moraña, Poio, Ponte Caldelas, Pontevedra, Sanxenxo, Soutomaior e Vilaboa.
O Goberno galego cumpre así co seu compromiso de estender este ano a Pontevedra o  Plan de transporte metropolitano que xa funciona na Coruña, Ferrol, Lugo, Santiago e Vigo.
Cómpre lembrar que a área metropolitana de Pontevedra presenta a particularidade de que o concello de Pontevedra carece de autobús urbano propio, ao igual que o concello de Ferrol, polo que o servizo se presta con liñas interurbanas de titularidade da Xunta de Galicia.

Plan social de transporte
O Plan de Transporte Metropolitano é un programa social impulsado pola Xunta de Galicia que persegue fomentar o uso do transporte publico colectivo ao tempo que axuda, de xeito importante, á economía das familias.
Este plan, que mediante o uso da Tarxeta de Transporte Metropolitano permite descontos medios do 50% nas viaxes interurbanas, achegando a Xunta de Galicia o 80% do financiamento desas bonificacións no prezo do billete e o conxunto dos concellos o 20% restante. A administración autonómica custea tamén as bonificacións adicionais do 15% que se aplican a usuarios frecuentes, aqueles que realicen máis de 40 viaxes nun mes, así como os descontos extra de ata o 50% para familias numerosas.
Especialmente atractiva para os cidadáns é a medida posta en marcha pola Xunta en agosto de 2016: a  tarxeta Xente Nova, coa que o transporte interurbano metropolitano é gratis para os menores de 19 anos. Dende a entrada en funcionamento desta iniciativa, lévanse emitido un total de 43.063 tarxetas.

No hay comentarios:

Publicar un comentario