§ A directora de Turismo participou hoxe na Mesa Provincial de Turismo
onde se puxo de manifesto o fomento da excelencia no eido turístico así como a
positiva evolución das cifras ofrecidas polo INE cun crecemento do 7%
§ A provincia participa este ano nun proxecto piloto en toda España
impulsado pola Xunta para implantar a Q de Calidade Turística en albergues do
Camiño Portugués e en espazos singulares da Ruta do Viño das Rías Baixas
A directora de Turismo de Galicia, Nava Castro, participou hoxe na Mesa
Provincial de Turismo da Deputación de Pontevedra durante un encontro que
serviu para compartir co sector público e privado os resultados turísticos da
provincia e as accións presentes e futuras.
Durante a reunión, Nava Castro puxo
de manifesto a consolidación que vive o turismo en Galicia, onde a provincia de
Pontevedra está a acadar uns positivos resultados tanto cualitativos como
cuantitativos, segundo os últimos datos feitos públicos polo Instituto Nacional
de Estatística (INE). Neste sentido,
concentra o 39% dos visitantes que chegan a Galicia e no que levamos de ano a provincia
conseguiu rexistrar ata setembro máis de 1,2 millóns de turistas que fixeron
3,1 millóns de pernoitas. É un incremento do 7%.
A Mesa Provincial do Turismo da
Deputación de Pontevedra serviu, ademais, para que o Goberno galego puidese
escoitar e poñer sobre a mesa as demandas e necesidades dos profesionais e
administracións participantes. A importancia de establecer sinerxías en materia
de calidade ou a oportunidade de desestacionalización aproveitando os seus
recursos diferenciadores, foron algún dos asuntos que centraron o encontro no que
se afondou na importancia da coordinación e cooperación institucional.
Proxecto pioneiro
No eido da
calidade, a provincia está a ser protagonista dun proxecto pioneiro impulsado
pola Xunta en colaboración co Instituto para a Calidade Turística Española
(ICTE) co que se deseñarán por primeira vez medidas para que albergues e
espazos singulares tanto do Camiño Portugués como da Ruta do Viño das Rías
Baixas poidan recibir a Q de Calidade Turística. Trátase dunha medida que
permitirá ofrecer mellores servizos aos peregrinos e turistas que percorren
estes dous itinerarios na provincia.
Ao abeiro
deste acordo impulsarase a creación das chamadas Rutas Q, unha figura pioneira en España onde se incluirán como
proxecto piloto o Camiño Portugués e a Ruta do Mar de Arousa e Río Ulla, así
como as Rutas dos Viños das Denominacións de Orixe das Rías Baixas e da Ribeira
Sacra. Grazas a esta distinción, identificaranse diferentes sectores turísticos
situados nestas catro rutas –tales como albergues ou espazos singulares das
Rutas Xacobeas– e definiranse os criterios técnicos para que poidan ser
recoñecidos coa Q.
No hay comentarios:
Publicar un comentario