Os equipos que desexen
participar nesta nova convocatoria da institución provincial poderán inscribirse
a partir do próximo luns, 30 de xaneiro,
e ata o 12 de febreiro
Esta mañá a púxose en funcionamento da X Copa Deputación de
Pontevedra. Os equipos que desexen participar nesta décima edición da
competición poderán inscribirse desde o vindeiro luns, 30 de xaneiro, ata o 12
de febreiro.
No transcurso
da reunión entre a Presidenta da Deputación e os representantes
da Federación Galega de Fútbol de Pontevedra e Vigo acordouse que o sorteo das
eliminatorias teña lugar o 16 de febreiro en Vigo e o 17 en Pontevedra e que a
X Copa Deputación de Pontevedra comece a disputarse durante a semana do 6 de
marzo. Tamén se estableceu que a final deste ano teña lugar nalgún campo de
fútbol da zona xestionada pola delegación de Pontevedra da Federación Galega de
Fútbol. Amais, e co fin de poder beneficiar en maior medida ós clubs de fútbol
máis modestos, acordouse que a Deputación de Pontevedra se encargue do pago da
arbitraxe dos clubs locatarios eliminados na primeira fase da décima copa.
Durante o ano
pasado participaron na IX Copa Deputación de Pontevedra máis de 18.000 persoas
e déronse cita máis de 1.000 equipos de todas as categorías. En concreto, participaron máis de 100 equipos
de primeira liña, 25 equipos femininos e na copa de base máis de 900 en todas
as categorías.
No hay comentarios:
Publicar un comentario