A XUNTA LEVA ENTREGADAS MÁIS DE 76.500 UNIDADES DE PROTECCIÓN CONTRA O COVID-19 AOS CONCELLOS DA COMARCA DE PONTEVEDRA, MARÍN E BUEU

§  O delegado territorial da Xunta en Pontevedra, José Manuel Cores Tourís, destacou que o Goberno autonómico enviou xa a estes municipios 44.730 luvas, 29.845 máscaras, asi como traxes de protección e produtos de desinfección

§  En total, a Xunta desde que se decretou o estado de alarma leva repartido entre os concellos da provincia máis de 419.324 unidades de protección para loitar contra a pandemia

A Xunta, a través da Delegación Territorial de Pontevedra, leva entregadas aos concellos da comarca de Pontevedra, Marín e Bueu máis  de 76.500 unidades de protección individual nos distintos envíos que se veñen de efectuar dende a plataforma loxística dende o inicio do decreto do estado de alarma.

En total, a Xunta, desde o decreto do estado de alarma, leva repartido entre os concellos pontevedreses máis de 419.324 unidades de protección para loitar contra o COVID-19.

Segundo informou hoxe o delegado territorial da Xunta en Pontevedra, José Manuel Cores Tourís, o último envío a estes municipios, realizado esta mesma semana, permitiu repartir 4.260 luvas e 4.350 mascarillas.

En total, os datos globales supoñen nesta comarca a recepción de 44.730 luvas, 29.845 máscaras, 1.096 batas e traxes de protección e 370 produtos de desinfección, entre outros elementos. Por concellos, os envíos totales de unidades de protección son os seguintes.

CONCELLOS	LUVAS	MÁSCARAS	TOTAL (DE UNIDADES DE PROTECCION E DESINFECCIÓN)
BARRO	2.490	1.520	4.097
BUEU	2.190	1.975	4.342
CAMPO LAMEIRO	1.800	1.550	3.441
A LAMA	1.950	1.500	3.543
MARÍN	3.990	2.350	6.598
PONTEVEDRA	20.000	12.500	33.175
POIO	3.290	2.150	5.637
PONTE CALDELAS	2.840	2.050	5.001
VILABOA	2.590	2.150	4.856
CERDEDO-COTOB.	3.590	2.100	5.836
TOTAL	44.730	29.845	76.526

Todo o material distribúese desde a plataforma loxística que a Xunta puxo en marcha para centralizar a adquisición e o reparto de equipos de protección individual durante o estado de alarma e a emerxencia sanitaria polo coronavirus.

José Manuel Cores Tourís destacou o esforzo que se está a realizar dende o Goberno galego para dotar do equipamento necesario ás entidades locais para que o persoal dos servizos municipais involucrados na loita contra a expansión do Covid-19 e que seguen a traballar conten co material de protección que precisan. Así lembrou que a Administración autonómica adquiriu directamente material de protección para garantir a seguridade dos profesionais que traballan en servizos municipais esenciais como Protección Civil ou Axuda a Domicilio.