Voz de Barro

Síguenos en twitter

O tempo en Barro

Tiempo en Barro

sábado, 3 de septiembre de 2016

Baixa o paro na provincia de Pontevedra en agosto en 538 persoas



O número de parados rexistrados nas oficinas dos servizos públicos de emprego (antigo Inem) baixou na provincia de Pontevedra en 538 desempregados menos durante agosto (un 0,69%), segundo os datos que publica este venres o Ministerio de Emprego e Seguridade Social.
Deste xeito a provincia conta con 77.058 desempregados. Respecto ao ano pasado a cifra do paro reduciuse un 9,32%, é dicir, en 7.917 persoas.
En Galicia durante o mes de agosto tamén baixou o paro en 2.412 persoas (un 1,23 %) en relación co mes anterior. Deste xeito, en relación con agosto do 2015, a comunidade galega conta con 20.687 persoas menos en paro, o que supón un descenso do 9,68 %, ata situar o total en 193.045 desempregados.
Contrasta este dato co aumento rexistrado no conxunto estatal onde o número de parados rexistrados subiu en agosto en 14.435 persoas en relación co mes anterior, co que se acaba cunha sucesión de cinco meses consecutivos á baixa.
Desta forma, a cifra total de parados rexistrados sitúase en 3.697.496 persoas, a menor cifra rexistrada nun mes de agosto desde o 2009, segundo informou este venres o Ministerio de Emprego e Seguridade Social.

http://pontevedraviva.com/xeral/30479/baja-paro-provincia-pontevedra-agosto-538-personas/

No hay comentarios:

Publicar un comentario