O CENTRO DE TRANSFUSIÓN DE GALICIA CONVIDA AOS GALEGOS E GALEGAS A SER SOLIDARIOS DOANDO SANGUE NO NADAL

·         O obxectivo da campaña de doazón do CTG, nos meses de decembro e xaneiro, pasa por acadar 500 doazóns diarias para abastecer aos nosos centros sanitarios

O Centro de Transfusión de Galicia (CTG) continúa desenvolvendo a campaña de doazón “Nadal 2012”, convidando aos cidadáns a participar activamente doando sangue nas unidades móbiles e nos locais de atención ao doador.

O CTG e a Consellería de Sanidade lembran que, nos meses de decembro e xaneiro, resulta necesario reforzar o chamamento á participación dos doadores e doadoras, xa que as necesidades de compoñentes sanguíneos por parte dos centros sanitarios galegos, sitúanse en 500 doazóns diarias aínda que pode aumentar a demanda, debido ao incremento das urxencias derivadas dos accidentes de tráfico.

Dificultades engadidas

Nos meses de decembro e xaneiro, a acumulación de festivos provoca a deslocalización dos doadores e doadoras habituais, dificultando o desenvolvemento das campañas de doazón. Ademais, as inclemencias meteorolóxicas propias da estación do ano na que nos atopamos e o aumento de enfermidades do tipo da gripe, son outros dos factores que complican o obxectivo do Centro de Transfusión de estabilizar o número de doazóns de sangue.

Para paliar estas dificultades, as unidades móbiles do CTG teñen previsto visitar ata finais de mes, ao redor dun cento de concellos galegos, para acadar a participación necesaria e garantir o desenvolvemento do labor asistencial dos centros sanitarios galegos. As visitas que efectuarán as unidades móbiles no transcurso da presente semana son as seguintes:

DATA	CONCELLOS
Venres 28 de decembro	Zona Cuatro Caminos (A Coruña), Cee, Cerdido, Muros, Noia, Chantada, O Barco de Valdeorras, A Estrada, Baiona e Redondela.
Sábado 29 de decembro	Zona Cuatro Caminos (A Coruña), Noia, Antas de Ulla, A Estrada e Redondela
Luns 31 de decembro	Cantón Pequeno e Barrio Monte Alto (A Coruña), Area Central-Fontiñas e Praza Roja (Santiago), Zona Herrería (Pontevedra) e Rúa Príncipe e Zona As Travesas (Vigo).
Mércores 2 de xaneiro	Cantón Pequeno e Barrio Peruleiro (A Coruña), A Silva (Cerceda), Praza Armas (Ferrol), Negreira, Praza Maior (Lugo), Rúa do Paseo (Ourense), Lalín, Nigrán e Porriño.
Xoves 3 de xaneiro	Aranga, Carballo, Negreira, Pontedeume, Aguiño (Ribeira), Ribadeo, A Porqueira, Verín, Lalín, Porriño e Rúa Venezuela (Vigo).
Venres 4 de xaneiro	Betanzos, Carballo, Cedeira, Ribeira, Santa Cruz de Ribadulla (Vedra), Viveiro, Castrelo de Miño, Verín, Cangas do Morrazo, Marín e Moaña.
Sábado 5 de xaneiro	Betanzos, Cedeira, Ribeira, Viveiro e Cangas do Morrazo.

Ademais, tamén existe a posibilidade de doar sangue nos locais de doazón existentes nas sete grandes cidades galegas.

LUGAR	HORARIO
CENTRO DE TRANSFUSIÓN DE GALICIA (Santiago)	Luns a venres das 8.00 ás 22.00 horas Sábados das 8.00 ás 15.00 horas
COMPLEXO HOSPITALARIO UNIVERSITARIO DA CORUÑA (A Coruña)	Luns a venres das 8.00 ás 22.00 horas Sábados das 8.00 ás 15.00 horas
HOSPITAL ARQUITECTO MARCIDE (Ferrol)	Luns e venres das 8.00 ás 22.00 horas Martes, mércores e xoves das 15.00 ás 22.00 horas
HOSPITAL LUCUS AUGUSTI (Lugo)	Luns e venres das 8.00 ás 22.00 horas Martes, mércores e xoves das 08.00 ás 15.00 horas
COMPLEXO HOSPITALARIO DE OURENSE (Ourense)	Luns das 08.00 ás 22.00 horas Martes, mércores e xoves das 08.00 ás 15.00 horas Venres das 15.00 ás 22.00 horas
HOSPITAL PROVINCIAL (Pontevedra)	Luns e venres das 08.00 ás 15.00 horas Martes, mércores e xoves das 15.00 ás 22.00 horas
HOSPITAL NICOLÁS PEÑA (Vigo)	Luns a venres das 8.00 ás 22.00 horas Sábados das 8.00 ás 15.00 horas

Doar: moi sinxelo

Pode doar sangue calquera persoa de máis de 18 anos, que pese máis de 50 quilos e que non padeza nin teña padecido enfermidades transmisibles polo sangue (VIH, hepatite B ou C,...). A doazón de sangue é un acto sinxelo que permite a moitas persoas solucionar o seu problema de saúde e, mesmo, salvar a súa vida.

Para máis información, o Centro de Transfusión de Galicia dispón da páxina web: ctg.sergas.es e tamén é posible chamar ao teléfono gratuíto de información para resolver calquera dúbida relacionada coa doazón de sangue ou coñecer a data dos desprazamentos das unidades móbiles: 900 100 828