§
A nosa
comunidade rexistrou 113 doadores de órganos no pasado exercicio, a cifra máis
elevada da súa historia
§
Salientar
a substancial diminución de case sete puntos, con respecto ao 2016, da taxa de
negativas familiares á doazón para situarse nun 21,5%
O Servizo Galego de Saúde acadou no pasado ano
2017 unha cifra récord de 340 transplantes de órganos nos seus hospitais, a
máis elevada desde que se iniciou a actividade transplantatoria en Galicia. Do
total de transplantes, 160 foron de ril; dos cales 31 procedían de doante vivo,
105 de fígado, 1 de páncreas, 26 de corazón e 48 de pulmón. Salientar que,
desde que se realizou o primeiro transplante, no ano 1981, ata o 31 de decembro
de 2017, xa se levan feitos en Galicia un total de 7.585 transplantes de
órganos.
|
Transplantes de órganos
|
Ano 2016
|
Ano 2017
|
|
Ril
|
135
|
160
|
|
Fígado
|
91
|
105
|
|
Páncreas
|
5
|
1
|
|
Corazón
|
29
|
26
|
|
Pulmón
|
39
|
48
|
|
Total
|
299
|
340
|
No 2017, rexistrouse
un importante peso do transplante de ril de doador vivo, que se incrementou ata
un total de 31. Dende 2001, realizáronse un total de 279 transplantes neste
apartado. O 19,4% do total de transplante de ril en Galicia procede de doador
vivo. Ademais, as taxas de transplante de corazón, fígado e pulmón atópanse por
riba de media nacional.
Doadores de
órganos
O número de doadores
de órganos cadáver en Galicia se situou en 113 (64 na provincia da Coruña, 6 na
de Lugo, 7 na de Ourense e 36 na de Pontevedra); dato co que Galicia rexistra o
mellor ano en número de doantes nun exercicio, o que supón que haxa 41,9
doantes por millón de habitantes.
No que atinxe ás
causas de morte dos doantes, os motivos principais foron os accidentes cerebro
vasculares (77%), sendo a porcentaxe de doadores por accidente de tráfico de
tan só un 3%. Con respecto á idade media do doador, foi de 62 anos.
A taxa de negativas
familiares situouse o pasado ano 2017 nun índice de 21,5%, unha das cifras máis
baixas desde o inicio da actividade transplantatoria e que rexistra unha
diminución de preto de sete puntos con respecto ao ano anterior. Así mesmo,
salientar que, actualmente, en Galicia 107.649 persoas teñen tarxeta de doador.
Destas, 4.140 son novas tarxetas realizadas no 2017 pola Coordinación de
Transplante de Galicia de ADOS, cifra que supuxo un crecemento do 37,6% con
respecto exercicio precedente.
Polo que se refire á
doazón de medula ósea, salientar que Galicia acadou o obxectivo establecido
polo Plan Nacional de Medula Ósea, rexistrando 1.499 novos doadores. Deste
xeito, Galicia conta con máis de 9.000 doadores de medula ósea rexistrados, o
que supón un incremento do 20% desde a posta en funcionamento do Plan Nacional.
Programa
educativo
Doutra banda sinalar
que a Coordinación de Transplante de Galicia realizou 103 charlas a escolares
no curso académico 2016-2017 para fomentar a doazón nun total de 85 centros educativos
de 45 concellos, e nas que tomaron parte un total de 5.307 escolares. Así
mesmo, desenvolveuse o Plan Proxecta: Educando en Valores, que abrangueu
a 14 centros con 773 escolares e 47 profesores. A este programa engádense as
visitas guiadas ata as instalacións de ADOS nas que tomaron parte 19 centros de
ensino secundario e universitario e no que participaron 615 estudantes.
Ademais, convocouse,
no pasado curso escolar, o II Concurso Universitario de Curtametraxes sobre
doazón e transplante de medula ósea, no que participaron un total de 5
traballos elaborados por 12 estudantes universitarios, así como o V Concurso de
Curtametraxes sobre doazón e transplante, no que tomaron parte 59 alumnos de 11
centros procedentes de oito concellos diferentes.
Actividade
formativa
A Coordinación
Autonómica de Transplantes de ADOS continuou a desenvolver, ao longo do pasado
ano, o programa de formación especializado en doazón e transplante de órganos
para os profesionais do sistema público de saúde de Galicia. Mediante o
desenvolvemento de tres seminarios de comunicación de malas noticias no proceso
de doazón e sete cursos sobre proceso de doazón e transplantes, ofreceuse unha
formación altamente especializada a 232 profesionais sanitarios.
O Servizo Galego de
Saúde e a Axencia de Doazón de Órganos e Sangue (ADOS) queren facer un
recoñecemento público aos doadores e ás súas familias, pola valentía, a
fortaleza e a xenerosidade que amosan neses momentos difíciles. Tamén queren
agradecer ao conxunto da sociedade e dos profesionais dos hospitais galegos, xa
que son os que posibilitan que as cifras de transplante se manteñan en Galicia
No hay comentarios:
Publicar un comentario