A Deputación de Pontevedra organiza en Barro o curso para funcionarios da Admón. Local "A XESTIÓN ORZAMENTARIA. SUBMINISTRO DE INFORMACIÓN FINANCEIRA"

A Deputación de Pontevedra organiza en Barro, un curso destinado a funcionarios da administración local, do 7 ó 14 de novembro de 2011 (de luns a xoves) en horario de 16.30 a 20.30 horas.

Co título "A XESTIÓN ORZAMENTARIA. SUBMINISTRO DE INFORMACIÓN FINANCEIRA" preténdese Revisar a xestión orzamentaria das entidades locais. Dar a coñecer de forma detallada a nova estrutura do orzamento das entidades locais e anticipar as accións que se van emprender derivadas da súa entrada en vigor. Divulgar os avances introducidos para mellorar a rendición de información económico-financeira local regulada na lexislación vixente. Poñer en práctica os novos coñecementos da dita estrutura mediante supostos prácticos da vida económico-orzamentaria da Administración local.

Esta acción enmárcase dentro do Plan Agrupado 2011, que se desenrola en toda a provincia co obxectivo de formar e por ó día ós funcionarios na xestión e adaptación de novas normativas, tecnoloxías, etc.