A DEPUTACIÓN APROBA A CONTRATACIÓN DE EMERXENCIA DA REPARACIÓN DAESTRADA MANE-REBÓN (MORAÑA), CORTADA AO TRÁFICO POLOS DANOS DOTEMPORAL

Estanse realizando os traballos delimpeza da zona e construción dun muro de contención, para reafirmar a estrutura da estrada

•

Tamén se levarán a cabo actuacións en Figueirido

A Deputación de Pontevedra aprobou esta mañá en Xunta de goberno a contratación por procedemento de emerxencia das obras de reparación da estrada de Mané-Rebón no concello de Moraña, que se atopa cortada ao tráfico no seu treito final como consecuencia do desplome do terraplén que sustentaba a estrutura da estrada.

Isto supuxo que se fundise unha parte da calzada, quedando a outra moi inestable e con grave risco de fundirse tamén. O derrubeproduciuse no cruce de Cornide, no entronque coa estrada Xeve-Amil-Espedregueira. Neste tramo vai ser necesario construír un muro de contención, repoñer o terraplén e o firme da estrada e consolidar a estrutura da estrada para que non siga derrubándose.

Nestes momentos xa se atopan no lugar varias máquinas traballando nas tarefas de limpeza da zona e no inicio da construción do muro.

A urxencia da obra vén determinada tanto polo perigo de que se siga destruíndo a estrada como porque o corte deste treito está obrigando aos vehículos a desviarse por camiños rurais estreitos e en malas condicións.

Proxecto de reforma en marcha

Precisamente –e tal e como lembrou Rafael Louzán na rolda de prensa posterior á Xunta de Goberno- nesta estrada está pendente unha actuación de mellora por un importe próximo ao millón de euros, que foi aprobada no último pleno e que, aínda que non afecta directamente ao treito danado polo temporal, si se executará na mesma estrada e a pouca distancia.

Trátase, concretamente, dunha modificación do trazado entre os lugares de O Parañés e O Vexildo, nun treito que actualmente ocupa 1,2 quilómetros de longo e que quedará notablemente reducido co novo trazado.

Louzán destacou que se trata dunha “variante moi importante”, que vai mellorar a seguridade viaria e o tráfico nunha vía que dá acceso ao santuario dos Miragres de Amil desde o concello de Barro.

Actuacións en Figueirido

Ademais, da estrada Mane-Rebón, a Deputación tamén preparando o expediente para a contratación doutra obra en Figueirido, na subida ao acuartelamento da Brilat, onde tamén se produciu un derrube.

Os traballos que se teñen que realizar son tamén a construción dun muro de contención e a reposición da calzada.