-
Especialmente salientables resultan as 127 doazóns acadadas o pasado luns 23 de novembro na unidade móbil do CTG que visitou o municipio coruñés de Santa Comba
O Centro de Transfusión de Galicia (CTG) quere amosar o seu sincero
agradecemento a todos os cidadáns que están a participar activamente
nas campañas de doazón de sangue, convidando a todos os galegos e
galegas a continuar doando nesta recta final de ano.
O CTG salienta a elevada participación dos cidadáns que
se reflicte nas preto de 2.700 persoas que acudiron a pasada semana ata
os locais de doazón e unidades móbiles do CTG, dos que puideron doar
sangue un total de 2.369.
Durante a pasada semana, resultou especialmente
salientable a elevada presenza de doadores e doadoras nos concellos de
Boiro e Tui, con 122 e 101 doazóns respectivamente, ou as 78 doazóns
acadadas no municipio pontevedrés de
Marín e as 77 rexistradas en Bertamiráns (Ames).
Récord en Santa Comba
O Centro de Transfusión de Galicia desexa facer mención
expresa da elevadísima participación rexistrada o pasado luns 23 de
novembro no municipio coruñés de Santa Comba que acadou un total de 127
doazóns de sangue, a cifra más
elevada das rexistradas as 158 visitas que as unidades móbiles do CTG
teñen desenvolvido neste concello dende o ano 1993.
Os veciños e veciñas de Santa Comba teñen efectuado un
total de 9.823 doazóns de sangue dende o ano 1993 ata a actualidade,
grazas as cales foi posible a realización de máis de 4.500 intervencións
cirúrxicas,
transfundir plaquetas a 1.960 enfermos
oncolóxicos e levar a cabo máis de 250 transplantes
de fígado.
O
CTG desexa agradecer a todos os cidadáns a súa contribución á
consecución dun axeitado número de doazóns de sangue, recoñecemento que
fai extensivo a todos os cidadáns
galegos que, nalgún momento das súas vidas, teñen doado sangue para
posibilitar o desenvolvemento do intenso labor asistencial dos nosos
hospitais.
No hay comentarios:
Publicar un comentario