As Mulleres Rurais "As Fervenzas" de Barro participan no programa "Pensa en ti" da Deputación, inaugurado onte pola deputada Ana Isabel Vázquez.
O curso que desenvolverán ata o mes de decembro será o de informática avanzada e participarán nel 15 alumnas.
As instalacións que acollerán dita actividade serán as da Bibliotéca Pública do Concello de Barro.
Na inauguración de dito curso a deputada Ana Isabel Vázquez incidiu no "carácter social" da Deputación Provincial e a "contínua aposta pola formación e desenrolo das persoas".
Unhas 7.200 persoas, a través de 358 asociacións, participarán este ano no programa Pensa en Ti, ao que a Administración Provincial destina unha achega total de 383.400 euros.
O obxectivo central deste programa é fomentar a participación e cooperación social e promover a igualdade entre homes e mulleres.
A empresa Estretexia Plus xestiona as actividades nas comarcas do Condado-Paradanta, Pontevedra, Caldas, Baixo Miño e na área sur de Vigo; mentres que Formagal, Formación e Servicios faino nas zonas de Vigo Norte e Centro e nas comarcas de O Morrazo, Tabeirós, Deza e o Salnés.
Este ano, como novidade e coa intención de implicar aos homes no traballo a prol da igualdade e da promoción da muller, establécese unha reserva do 20% das prazas para os homes. Actualmente estanse a organizar cursos de 130 especialidades diferentes, agrupados nas áreas de desenvolvemento persoal e saúde física e mental; desenvolvemento profesional (con especialidades de novas tecnoloxías, idiomas, servizos na empresa e servizos ás persoas); formación para a igualdade entre homes e mulleres; cultura tradicional, música e baile; manualidades, arte e bricolaxe; e cociña, agricultura e elaboracións artesanais
No hay comentarios:
Publicar un comentario