ADOS REFORZA O CHAMAMENTO A PARTICIPACIÓN DA CIDADANÍA NAS CAMPAÑAS DE DOAZÓN, POR MOR DA NECESIDADE DE AUMENTAR AS RESERVAS DOS GRUPOS A NEGATIVO, CERO NEGATIVO E CERO POSITIVO

§  Diariamente, os hospitais galegos precisan entre 400 e 500 doazóns de sangue para levar a cabo axeitadamente o seu labor asistencial

     

 A Axencia de Doazón de Órganos e Sangue (ADOS), fai un chamamento á doazón da cidadanía e, moi especialmente, aos grupos sanguíneos A Negativo, Cero Negativo e Cero Positivo. As reservas destes grupos presentan niveis baixos, polo que resulta preciso reforzar o permanente chamamento á participación nas campañas de doazón que fai a Consellería de Sanidade por medio de ADOS. Cómpre lembrar que os hospitais galegos precisan entre 400 e 500 doazóns diarias para levar a cabo axeitadamente o seu labor asistencial.

A dirección da Axencia de Doazón de Órganos e Sangue solicita a activa colaboración das galegas e galegos para continuar amosando a súa xenerosidade e solidariedade e, aínda que nestes días precísase aumentar o número de doazón dos grupos A Negativo, Cero Negativo e Cero Positivo, o chamamento é xeneralizado á participación de todos os doadores e doadoras.

Facilitar a participación

A Axencia de Doazón de Órganos e Sangue agarda, novamente, contar coa participación dos doadores e doadoras, a pesar de que as inclemencias meteorolóxicas das últimas xornadas semellan non estar facilitando a participación dos cidadáns. Non obstante, lembra que todos os días, unha decena de unidades móbiles achéganse a distintos puntos da xeografía galega. Deste xeito, ata finais da presente semana, as unidades móbiles de ADOS estarán en máis de vinte concellos, efectuando as seguintes visitas:

DATA	CONCELLOS
Xoves 8 de novembro	F. Informática e F. Filoloxía (A Coruña), CIFP R.Ucha Piñeiro (Ferrol), IES Fontiñas e F. Psicoloxía e Ccas. Educación (Santiago), F. Veterinaria (Lugo), Ribadeo, Orember SA (San Cibrao), Bº O Couto (Ourense), Caldas de Reis, Cangas do Morrazo e Tomiño.
Venres 9 de novembro	El Corte Inglés-Marineda e Deputación, Correos e Porto (A Coruña), Noia, Touro, Ribadeo, Bº O Couto (Ourense), Vilariño de Conso, A Guarda, Goián (Tomiño) e Vilagarcía
Sábado 10 de novembro	Buño (Malpica), Noia, Samos e Triacastela, A Guarda e Vilagarcía

Ademais, tamén existe a posibilidade de doar sangue nos locais de doazón existentes nas sete grandes cidades galegas.

LUGAR	HORARIO
COMPLEXO HOSPITALARIO UNIVERSITARIO DE SANTIAGO (Santiago)	Luns a venres das 8.00 ás 22.00 horas Sábados das 8.00 ás 15.00 horas
COMPLEXO HOSPITALARIO UNIVERSITARIO DA CORUÑA (A Coruña)	Luns a venres das 8.00 ás 22.00 horas Sábados das 8.00 ás 15.00 horas
HOSPITAL ARQUITECTO MARCIDE (Ferrol)	Luns e venres das 8.00 ás 22.00 horas Martes, mércores e xoves das 15.00 ás 22.00 horas
HOSPITAL LUCUS AUGUSTI (Lugo)	Luns e venres das 8.00 ás 22.00 horas Martes, mércores e xoves das 08.00 ás 15.00 horas
COMPLEXO HOSPITALARIO DE OURENSE (Ourense)	Luns de 8:00 ás 22:00 horas Martes, mércores e xoves das 8:00 ás 15:00 horas Venres das 15.00 ás 22.00 horas
HOSPITAL PROVINCIAL (Pontevedra)	Luns e venres das 08.00 ás 15.00 horas Martes, mércores e xoves das 15:00 ás 22:00 horas
HOSPITAL NICOLÁS PEÑA (Vigo)	Luns a venres das 8.00 ás 22.00 horas Sábados das 8.00 ás 15.00 horas

Doar: moi sinxelo

Pode doar sangue calquera persoa de máis de 18 anos, que pese máis de 50 quilos e que non padeza nin teña padecido enfermidades transmisibles polo sangue (VIH, hepatite B ou C,...). A doazón de sangue é un acto sinxelo que permite a moitas persoas solucionar o seu problema de saúde e, mesmo, salvar a súa vida.

Para máis información, a Axencia de Doazón de Órganos e Sangue dispón da páxina web: ados.sergas.gal, ás páxinas de ADOS en redes sociais e tamén é posible chamar ao teléfono gratuíto para resolver calquera dúbida relacionada coa doazón de sangue ou coñecer a data dos desprazamentos das unidades móbiles: 900 100 828