A TARXETA XENTE NOVA COMEZARÁ A EMITIRSE HOXE NOS CONCELLOS DA ÁREA DE PONTEVEDRA, ONDE OS MENORES DE 21 ANOS PODERÁN EMPREGALA DESDE O VINDEIRO 15 DE XUÑO

A conselleira de Infraestruturas e Mobilidade, Ethel Vázquez, abordou a implantación do novo dispositivo nunha reunión de traballo coa alcaldesa de Marín, María Ramallo

§  Uns 1.000 mozos de Marín poderán beneficiarse deste dispositivo, que permite que os menores de 21 anos viaxen gratis no transporte público dependente da Xunta

§  Para conseguir a tarxeta é necesario solicitar cita previa nunha das oficinas de Abanca habilitadas e os menores de idade deben acudir acompañados dun proxenitor

§  As tarxetas non precisan ter unha conta asociada, simplemente deben ter un saldo inicial para empezar a viaxar e posteriormente irá reembolsándose cada 15 días o importe das viaxes realizadas

§  Con esta medida foméntase entre os mozos a mobilidade sostible, segura e de pago sen contacto

A tarxeta Xente Nova comezará a emitirse mañá en 13 concellos da área de Pontevedra, onde os menores de 21 anos poderán empregala a partir do 15 de xuño, o que lles permitirá realizar viaxes gratis no transporte público dependente da Xunta.

A conselleira de Infraestruturas e Mobilidade, Ethel Vázquez, mantivo esta mañá un encontro de traballo coa alcaldesa de Marín, María Ramallo, para abordar a implantación deste novo dispositivo neste municipio e noutros doce concellos da área de Pontevedra (Pontevedra, Poio, Ponte Caldelas, Marín, Vilaboa, Soutomaior, Bueu, Sanxenxo, Barro, Moraña, Campo Lameiro, Cerdedo-Cotobade e A Lama). A tarxeta Xente Nova tamén se implantará, de xeito paralelo, en toda a provincia de Ourense.

Segundo lle comunicou a conselleira á alcaldesa, o comezo desta medida estaba previsto para mediados de marzo, pero tivo que adiarse pola declaración do estado de alarma. Reactívase agora que a situación sanitaria o permite, de forma coherente coa paulatina recuperación do transporte público.

Uns 1.000 mozos de Marín poderán beneficiarse deste dispositivo, formándose no uso dunha mobilidade sostible e segura, de pago sen contactos. A partir de mañá, día 10 de xuño, 3 oficinas de Abanca habilitadas do concello de Marín comezarán a emitir as tarxetas, que os menores de 21 anos poderán empregar a partir do día 15.

Para conseguila é necesario solicitar unha cita previa na oficina, algo especialmente importante na situación actual, con restricións de aforo nas entidades motivada pola covid-19. Os menores de idade deberán ir acompañados dun dos seus proxenitores.

As tarxetas funcionan a modo de tarxeta monedeiro e non precisan ter unha conta asociada. Deben ter un saldo inicial para empezar a viaxar e, posteriormente, irá reembolsándose cada 15 días o importe das viaxes realizadas, ata un máximo de 60 viaxes mensuais.

Para facilitar o pago seguro e evitar contaxios, os maiores de 21 anos poderán empregar a Tarxeta de Transporte TMG. Tamén se pode solicitar desde mañá nas oficinas habilitadas e comezar a empregala desde o 15 de xuño.

Listado de oficinas da área de Pontevedra nas que se pode solicitar a tarxeta Xente Nova e TMG.

Pontevedra	CONCELLO	CÓD. OF.	NOME OFICINA	DIRECCIÓN
	PONTEVEDRA	3525	C. MICHELENA (oficina rápida)	Rúa Michelena, 30
	PONTEVEDRA	570	EDUARDO PONDAL	Rúa Eduardo Pondal, 66
	PONTEVEDRA	5138	VALENTÍN GARCIA ESCUDERO	Praza Valentín García Escudero, 4
	PONTEVEDRA	5140	GARCIA CAMBA	Rúa García Camba, 2
	PONTEVEDRA	5143	LOUREIRO CRESPO	Rúa Loureiro Crespo, 18
	PONTEVEDRA	5154	J. BAUTISTA ANDRADE	Rúa JB Andrade, 50
	PONTEVEDRA	5401	OFICINA PRINCIPAL	Rúa Augusto Sánchez, esq. San José, 4
	PONTEVEDRA	5403	JOSE MALVAR	Rúa José Malvar, 4
	PONTEVEDRA	5407	HERREROS	Rúa Herreros, 4
	PONTEVEDRA	5409	PONTEBOLERA	Avda. Vigo, 18
	PONTEVEDRA	5480	BENITO CORBAL	Rúa Benito Corbal, 13
	MARÍN	5430	JAIME JANER	Rúa Jaime Janer, 9
	MARÍN	5442	SEIXO	Avda. Doctor Otero Ulloa, 76
	MARÍN	514	ESTRIBELA	Avda. Ourense, 80
	POIO	544	A BARCA	Rúa A Barca, 32
	POIO	5458	CAMPELO	Rúa Pedro Couselo, 5
	BUEU	5017	BUEU	Rúa Eduardo Vincenti, 29
	BARRO	5411	BARRO	Rúa Baladas, 1 – San Antoniño-Perdecanai
	COMBARRO	5419	COMBARRO	Rúa Camiño Real, 2
	CERDEDO-COTOBADE	5026	CERDEDO	Rúa Ourense, 41
	CERDEDO-COTOBADE	5416	CARBALLEDO	Rúa Chan, 25
	PONTE CALDELAS	5057	PONTE CALDELAS	Avda. Vigo, 4
	SANXENXO	5061	SANXENXO	Rúa Igrexia, 2
	MORAÑA	5106	MORAÑA	Rúa N. Doce, 2
	VILABOA	5081	VILABOA	Rúa Riomaior, 3