§ O
Goberno galego apoiará aos concellos da comarca de Pontevedra con 115.694 euros
para beneficiar a 8 persoas sen emprego que se dedicarán a levar a cabo estas
tarefas
§ Esta
liña de axudas enmárcase nas políticas de emprego da Administración autonómica
e busca mellorar a ocupabilidade dos galegos e galegas e dinamizar o mercado de
traballo
A Xunta dá un novo paso na súa aposta por fomentar o emprego local e
informa da resolución da orde de axuda do Aprol Rural que permitirá que os
concellos da comarca de Pontevedra contraten a un total de 8 persoas
desempregadas para desenvolver servizos de interese xeral, en este caso, para
previr incendios forestais.
A Consellería de Economía, Emprego e Industria destina este ano un total
de algo máis de 1M€ para a contratación de 71 persoas desempregadas en 49
municipios da provincia de Pontevedra para a realización de tarefas
relacionadas, maioritariamente, coa prevención de incendios nas faixas
secundarias definidas pola Lei de prevención e defensa contra os incendios
forestais de Galicia (planificación preventiva, valorización forestal,
silvicultura, limpeza de montes ou xestión de biomasa). Como novidade con respecto
a anteriores edicións, os concellos rurais de menos de 2000 habitantes poden
contratar a persoas que xa fosen contratadas por un período igual ou superior a
9 meses con cargo a axudas concedidas no ano 2019 pola Consellería de Economía,
Emprego e Industria no eido da colaboración coas entidades locais e sen ánimo
de lucro.
Nesta comarca beneficiaranse 8 desempregados: 3 en Cerdedo-Cotobade e 2 na
Lama, e un para Ponte Caldelas e outro para Campo Lameiro. Tamén podrá
contratar un traballador o concello de Marín. En total, a Xunta destinará para
este fin 115.694,70 euros.
Estas medidas, enmarcadas nas políticas de emprego da Xunta, teñen como
obxectivo mellorar a empregabilidade das persoas participantes, así como apoiar
a integración laboral de persoas vulnerables co obxectivo de dinamizar o
mercado laboral galego.
No hay comentarios:
Publicar un comentario