34 CONCELLOS ADHERIRONSE AO CONVENIO DA DEPUTACIÓN PARA O CENTRO DE ACOLLIDA DE ANIMAIS ABANDONADOS DA ARMENTEIRA

Figueroa lembrou que foi aprobado pola unanimidade de todos os grupos, dixo que era falso que fose un <centro de exterminio> e lembrou que os concellos poden conceder a xestión do servizo ás Protectoras pero non os obriga

O vicepresidente da Deputación de Pontevedra, José Manuel Figueroa, sinalou hoxe en rolda de prensa que o Centro de Recollida de animais abandonados de Armenteira (Meis) será un Centro de Acollida e <non de <exterminio> como afirman algúns con evidente malicia e demagoxia>.

Destacou que a política do centro xirará en torno ao fomento e xestión de adopcións dos animais e non do seu sacrificio, ademais de que a Deputación levará a cabo campañas de sensibilización orientadas a erradicar o abandono e malos tratos aos animais.

Figueroa afirmou que a Deputación está iniciando un servizo que lle demandaron os concellos e que foi aprobado pola unanimidade de todos os grupos da institución provincial. A día de hoxe, ao convenio adherironse 34 concellos da provincia, de todos os colores, que representan unha poboación de 280.586 habitantes.

Concurso aberto a todos

Neste sentido, lembrou que <non é certo que sólo as Protectoras poidan xestionar este servizo>. Dixo que a normativa establece que <os concellos poderán conceder a xestión do servizo as Protectoras pero non os obriga, é algo potestativo>. <Por eso, o convenio noso non prohíbe que os concellos colaboren coas Protectoras>, sinalou.

Por esta razón, ao concurso que sacará a Deputación poderán presentarse a Protectoras, as empresas ou entidades <é un concurso aberto a todos e non feito á medida de ninguén, é un convenio para solucionar un problema pois o ano pasado os cans abandonados provocaron nas estradas provinciais 193 accidentes, con 3 feridos graves e 34 leves, ademáis de solucionar o problema de salubridade pública que supoñen a aparición de fosas comúns e almacéns clandestinos de cadáveres>

<Estamos para resolver problemas, non para creálos>

Respecto da anunciada concentración para hoxe frente á Deputación afirmou que < A Deputación non entra en  polémicas artificiais e estériles, nós estamos aquí para traballar en favor dos cidadáns, dos concellos e da provincia. Estamos para solucionar problemas e non para creálos>.

Parcela de 9.800 metros e 1.500 construidos

Sobre a afirmación de que o centro de Meis non tén capacidade para albergar todos os cans dixo que <o centro de acollida de Meis tén posibilidades de ampliación en función da demanda pois a superficie da parcela é de 9.800 metros cadrados e a construida sólo ocupa 1.500>. Según Figueroa, a política de adopcións que levará a cabo permitirá un fluxo de entradas e saidas de animais acorde coa capacidade do Centro de Acollida>.

Implicaránse todos os axentes

Finalmente, lembrou que a Deputación non tén ningún interés en <acabar coas Protectoras> pois, según afirmou, <os concellos que o desexen poderán colaborar con elas, aparte de que o servizo non afecta a Vigo, Pontevedra, Cambados ou Vilagarcía, por exemplo>.

Figueroa conclueu afirmando que <o servizo estará tutelado pola Deputación e buscará a implicación de varios axentes, dende as administracións aos cidadáns pasando polas Protectoras, centros veterinarios, Universidade, etc.>