VIDEONOTICIA: 'O polígono Barro Meis ten unha cobertura xurídica total e absoluta'

O dixo Louzán tralo acordo ó que chegou cos veciños tras garantirlles que non haberá empresa algunha que produza efectos contaminantes.

Ningunha empresa que produza efectos contaminantes. Esta era o reclamo dos noventa e cinco veciños de Barro que no seu día interpuxeran o recurso contencioso administrativo contra a aprobación do Plan de Sectorización do polígono Barro Meis. Ningunha empresa que produza efectos contaminantes e en especial, ningunha destinada á fabricación de papel e cartón, o que pon punto e final os rumores xurdidos no seu día sobre a posibilidade do traslado da fábrica de ENCE a este polígono industrial. 

 

E deste xeito o alcalde de Barro asegurou que na súa intención nunca estivo traer ó concello ningunha empresa que puidera causar danos de ningún tipo e incluso recordou ós tempos do bipartito na Xunta de Galicia para buscar os culpables daqueles rumores. 

 

Despois de máis dunha década de retrasos, tanto Deputación como Concello celebran un acordo que da unha cobertura definitiva con respecto á seguridade xurídica, unha seguridade que agardan sirva para aumentar o número de licencias vendidas. Nestes momentos están xa en mans de empresas algo máis do trinta por cento das parcelas e agárdase que pronto se poida dar saída ás que faltan por vender.

Segundo o presidente da Deputación, na situación de crise que nos atopamos, a maior parte dos veciños celebran que alí se poidan asentar empresas que traian riqueza ó concello. Agardan que no 2013 o polígono poida estar cheo. 

Para ver a noticia, pinche no video seguinte: