§ Os directores xerais de
Administración Local e Interior, José
Alberto Pazos Couñago e Santiago Villanueva, acudiron esta mañá á delegación pontevedresa
da Xunta
§ Tratase da primeira xuntanza dunha rolda de contactos que se celebrarán
esta semana nas catro provincias galegas para aclarar dúbidas e responder
preguntas
§ O que se se pide é garantir que o escenario ou
estrutura móbil reúna as condicións de seguridade para o desenvolvemento da
actividade que se pretenda realizar
§ Ademais de cumprir ca lexislación vixente, tanto Xunta coma Fegamp buscan
a procura da máxima seguridade para os cidadáns da nosa comunidade
O director de
Administración Local, José Alberto Pazos Couñago, e o director xeral de
Emerxencias e Interior, Santiago Villanueva, mantiveron hoxe unha reunión con
alcaldes e representantes dos concellos de Pontevedra para solucionar as dúbidas xurdidas sobre as
autorizacións municipais para verbenas e festas populares.
A reunión
tivo lugar na Delegación da Xunta en Pontevedra
e contou coa presenza do delegado, José Manuel Cores Tourís. Tratase da
primeira xuntanza dunha rolda de contactos que se celebrarán esta semana nas
catro provincias galegas co fin de poder explicar a nova normativa e responder
persoalmente ás preguntas do persoal municipal presente.
No caso das verbenas e festas
populares, a exixencia de licenza municipal xa viña establecida no Regulamento
xeral de policía de espectáculos públicos e actividades recreativas, e o que se
se pide é garantir que o escenario ou estrutura móbil reúna as
condicións de seguridade para o desenvolvemento da actividade que se pretende
realizar, consonte sempre a normativa aplicable. A nova norma plasma os
requisitos que xa eran necesarios como consecuencia da aplicación da normativa
que lle é propia.
As entidades locais son as competentes para
outorgar as licencias en materia de verbenas e festas populares, no caso de que
estas sexan necesarias. As verbenas e
festas populares sen instalación ou
escenarios móbiles, non precisarán de licenza municipal, resultando suficiente
para a súa celebración a comunicación previa ao Concello.
Nos casos en que sexa necesaria a licenza
municipal porque se vaia a utilizar un escenario ou estrutura móbil, é
necesario presentar un proxecto técnico
que aporte o seguro de responsabilidade civil, información sobre o tipo de
espectáculo, previsión aproximada de asistencia de público e horario da
actuación, un Boletín eléctrico da
instalación (asinado por un técnico competente), e a declaración de
conformidade do fabricante CE e copia da documentación da ITV conforme, correspondente
ao escenario móbil ou documento análogo acreditativo do estado de idoneidade do
mesmo (asinado tamén por técnico competente).
Ademais, cumprindo ca lexislación vixente e
en aras da máxima seguridade para os cidadáns, o Plan de autoprotección será
esixible nos casos seguintes en espazos pechados con capacidade igual ou
superior a 2.000 persoas, ou cunha altura de evacuación igual ou superior a 28
m; en instalacións pechadas desmontables ou de tempada con capacidade ou aforo
igual ou superior a 2.500 persoas; e ao aire libre, en xeral, aquelas cunha
capacidade igual ou superior a 20.000 persoas.
No hay comentarios:
Publicar un comentario