§
Segundo informou José Manuel Cores Tourís, no eido da Delegación
Territorial de Pontevedra, dende o inicio do reparto repartíronse 212.649
unidades: 127.680 luvas, 79.170 máscaras, 5.799 traxes antisalpicaduras, batas
e produtos de desinfección
§
Ata o de agora, a administración autonómica enviou un total de 57.378
unidades de material de protección aos concellos da comarca de Pontevedra, así
coma Marín e Bueu
A Xunta de Galicia, a través da
delegación territorial de Pontevedra, ven de facer un novo envío de material de
protección fronte á COVID-19 con destino aos concellos da súa área, de xeito
que xa se levan entregadas 12.649 unidades, que se levan a 358.897 no caso de
toda a provincia de Pontevedra.
Deste xeito,
o delegado territorial da Xunta en Pontevedra, José Manuel Cores Tourís,
destacou que ata o de agora, repartíronse, nos 47 concellos da Delegación
Territorial da Xunta: 127.680 luvas, 79.170 máscaras máscaras, e 5.799 traxes
antisalpicaduras, batas e produtos de desinfección. No terceiro envío que se
acaba de realizar esta semana, a Delegación Territorial enviou 16.300 luvas,
16.232 máscaras e 506 produtos de limpeza.
No
que respecta aos concellos da comarca de Pontevedra, Marín e Bueu, ata o de
agora enviáronse un total de 57.378 unidades de material de protección: 34.800
luvas; 21.473 máscaras e 1.105 traxes, batas e produtos de desinfección.
O
material está sendo destinado aos concellos para o seu uso, principalmente, no
Servizo de Axuda no Fogar, en Protección Civil e Policía Local, así como outros
servizos municipais esenciais, segundo as informacións facilitadas polos
propios municipios.
A
Administración autonómica reitera que todo o material entregado, cumpre
estritamente co procedemento do Ministerio de Sanidade con respecto ao seu uso,
foi inspeccionado e está en perfectas condicións para poder ser usado.
Os criterios
de reparto están consensuados coa Federación Galega de Municipios e Provincias
(FEGAMP) e realízanse en base a criterios obxectivos tendo en conta a poboación,
o número de casos positivos, o número de efectivos de Policía, o número de
voluntarios de Protección Civil, e o número de horas do servizo de axuda no
fogar.
Con esta
medida, Goberno galego pretende dotar do equipamento necesario ás entidades
locais para que o persoal dos servizos municipais involucrados na loita contra
a expansión do coronavirus e que seguen a traballar como é o caso de Protección
Civil ou os servizos de axuda no fogar para que conten co material de
protección que precisan
No hay comentarios:
Publicar un comentario