COS 20 CONCELLOS ADHERIDOS, O SERVIZO PROVINCIAL DE RECOLLIDA DE LIXO SUBROGARÍA UNS 25 TRABALLADORES E DISPORÍA DE 22 CAMIÓNS - Voz de Barro. Noticias

Breaking

El tiempo en Barro

El tiempo - Tutiempo.net

miércoles, 26 de febrero de 2014

COS 20 CONCELLOS ADHERIDOS, O SERVIZO PROVINCIAL DE RECOLLIDA DE LIXO SUBROGARÍA UNS 25 TRABALLADORES E DISPORÍA DE 22 CAMIÓNS



A Deputación traballa na redacción dos pregos técnicos para a posta en marcha do servizo
O servizo provincial de recollida de lixo da Deputación de Pontevedra conta xa cos suficientes concellos adheridos como para a posta en marcha desta modalidade de xestión conxunta, polo que os técnicos da administración provincial están a redactar os pregos técnicos para súa a licitación.
Nestes momentos son 20 os concellos que se adheriron formalmente ao servizo e hai outro grupo que transmitiu o seu interese en sumarse. Con estes datos, as estimacións dos técnicos da Deputación establecen que a posta en marcha do servizo cos 20 concellos xa adheridos suporía a subrogación duns 25 operarios que nestes momentos traballan nos concellos. Así mesmo, disporíase de 22 camións para a recollida do lixo.
O obxectivo da Administración provincial é activar este servizo canto antes para dar resposta ás demandas dos concellos e impulsar unha xestión dos residuos municipais máis acorde coas novas esixencias lexislativas.
Cómpre ter en conta que a lexislación actual establece que en 2020 terase que acadar unha separación para a súa reciclaxe ou reutilización do 50% do total de lixo doméstico ou similar xerado anualmente, reclamando a separación de papel, cartón, vidro e envases lixeiros, que xa se fai actualmente, pero tamén de plásticos, metais e materia orgánica, o que obrigará aos concellos –que son as administracións competentes nesta materia– a facer un enorme esforzo para adaptarse ás novas demandas.
A Deputación de Pontevedra pretende favorecer este tránsito cun servizo no que se potenciarán novas fórmulas de xestión, como a compostaxe -para o cal está prevista a posta en marcha dun plan piloto que distribuirá 1.300 composteiros na provincia, a potenciación da planta de compostaxe da Mancomunidade do Morrazo, e a colaboración coa Xunta de Galicia na implantación de plantas de compost na provincia-. Así  mesmo, están en estudo as posibilidades de aplicar nesta provincia a tecnoloxía de dixestión en autoclave a presión que se está a desenvolver na planta de tratamento de lamas de Touro.

No hay comentarios:

Publicar un comentario