AC "Fervenza da Barosa" entrega casi 150 kg de alimentos na I Gala Solidaria Curro-2013 en Barro.

- As empresas Distribuciones Froiz S.A, Supermercados DIA de San Antoniño e Super-Tandy Froiz de San Antoniño aportaron 115 kg.

- As donacións de particulares e a AC Fervenza sumaron 31,5 kg.

- A recollida foi feita en sólo 5 días.

- AC Fervenza da Barosa xa recollera máis de media tonelada de alimentos na campaña "Nadal Solidario en Barro".

Na noite de onte na parroquia de Curro tivo lugar a "I Gala Solidaria" Curro-2013, unha gala organizada por Galicia Espectáculo e Com. de Montes de Curro con caracter benéfico, que serviu para presentar 5 orquestas, así como facer unha cuestación de alimentos non perecedeiros entre os asistentes á mesma.

A implicación da AC "Amigos da Fervenza da Barosa" de Barro nesta iniciativa dende o primeiro momento logrou movilizar a socios, veciños e negocios de Barro, que decidiron aportar e colaborar nesta causa solidaria con case 150 kg de alimentos aportados coa seguinte distribución:

DISTRIBUCIONES FROIZ S.A. 50 Kg.
DIA SAN ANTONIÑO 34 Kg
TANDY-FROIZ UCHA SAN ANTONIÑO 31 Kg
DONACIONS PARTICULARES 31,5 Kg + LOTES DE PAÑALES.

Dende a "Fervenza da Barosa" queremos agradecer as mostras de apoio e solidariedade con esta Gala, e como colectivo cultural e social de Barro, mostrar a nosa disposición á colaboración en causas de interés xeral como así fixemos.

Tamén sinalar que as vindeiras actividades que organiza a Asociación Cultural "Amigos da Fervenza da Barosa" de Barro serán o "I Torneo de Baile Deportivo Fervenza da Barosa" o vindeiro 9 de Xuño no Pavillón Polideportivo de San Antoniño de Barro así como a colaboración na "I Xuntanza Familiar con xogos tradicionais" que terá lugar o 1 de xuño no Parque da Natureza da Barosa, organizada polo local hosteleiro Barosa Gastro.