A DEPUTACIÓN ASINA CONVENIOS CON 45 CONCELLOS PARA O COFINANCIAMENTO DOSERVIZO DE TELEASISTENCIA

Nos próximos días coñecerase a empresa adxudicataria do servizo

·       Máis de 350 persoas están acollidas nestes momentos á teleasistencia nos 45 concellos adheridos

·       Louzán e Marta Iglesias incidiron en que, malia non ser de competencia provincial, a Deputación considera necesario manter este servizo

·       Das 5 administracións que o cofinanciaban inicialmente, hoxe en día susténtano unicamente concellos e deputación

Corenta e cinco concellos da provincia de menos de 20.000 habitantes manterán o programa de teleasistencia ao servizo dos veciños e veciñas que o precisen e así o demanden, grazas á colaboración da Administración provincial, que considera necesario seguir investindo nesta materia para garantir a calidade de vida dos usuarios.

Así o destacaron esta mañá o presidente da Deputación, Rafael Louzán, e a deputada Marta Iglesias, no acto de sinatura dos convenios cos 45 concellos que decidiron adherirse a este programa, coa intención de manter un servizo que permite a moitas persoas maiores que viven soas ou pasan a maior parte do día sen compaña permanecer no seu fogar e no seu entorno social coas garantías dunha atención permanente.

Louzán e Marta Iglesias fixeron fincapé en que se trata dun servizo que comezou sendo financiado por 5 administracións, das que agora só quedan dúas, a Deputación e os concellos, o que obriga a ambas a un maior esforzo económico.

Neste sentido, a Administración Provincial pasa de financiar o 26% do servizo a cubrir o 34% do custe, cun orzamento de 163.000 euros.

Así mesmo, o presidente da Deputación lembrou que esta administración tivo que sacar a concurso a xestión deste servizo, despois de que o IMSERSO –que era o que tiña a xestión do mesmo- deixase de financialo.

A empresa adxudicataria coñecerase nos próximos días, para que poida comezar a operar de inmediato.

Muller maior que vive soa

Nestes momentos son 358 os usuarios do servizo de teleasistencia nos 45 concellos que hoxe asinaron o convenio coa Deputación e que poderán seguir beneficiándose das vantaxes das novas tecnoloxías aplicadas ao coidado das persoas.

Rafael Louzán fixo fincapé no interese dos concellos por manter este servizo, que está a permitir que moitas persoas maiores ou dependentes poidan permanecer nos seus fogares coa seguridade que lles dá saber que se xurde calquera problema –sexa á hora que sexa- van estar perfectamente atendidos.

Por iso, a Administración Provincial aposta, malia non ser da súa competencia, por seguir investindo en teleasistencia naqueles concellos que máis dificultades terían para mantelo por si mesmos, que son os de menos de 20.000 habitantes.

O perfil máis frecuente do usuario é o dunha muller de idade avanzada, viúva e que vive soa. A teleasistencia permite que estas persoas estean atendidas as 24 horas do día os 365 días do ano e que poidan así permanecer no fogar sen medo a ter unha caída, unha enfermidade, un golpe… e que ninguén se entere.

LISTADO DE CONCELLOS ADHERIDOS

CONCELLOS	Nª. DE USUARIOS EN ABRIL DE 2013
AGOLADA	25
BAIONA	11
BARRO	5
BUEU	11
CALDAS REIS	4
CAMBADOS	11
CAMPO LAMEIRO	2
CAÑIZA, A	4
CATOIRA	2
CERDEDO	11
COTOBADE	5
COVELO, O	1
CRECENTE	9
CUNTIS	11
FORCAREI	12
FORNELOS DE MONTES	2
GONDOMAR	1
GROVE, O	17
MEIS	2
MOAÑA	12
MONDARIZ	13
MONDARIZ-BALNEARIO	1
MORAÑA	4
MOS	26
NEVES, AS	7
NIGRAN	10
OIA	4
PAZOS DE BORBÉN	3
PONTECALDELAS	0
PONTECESURES	2
PORRIÑO, O	18
PORTAS	9
RIBADUMIA	5
RODEIRO	1
ROSAL, O	1
SALCEDA DE CASELAS	13
SALVATERRA DE MIÑO	4
SANXENXO	1
SILLEDA	17
TOMIÑO	22
TUI	18
VALGA	3
VILA DE CRUCES	10
VILABOA	7
VILANOVA DE AROUSA	1