A DEPUTACIÓN CELEBRARÁ DO 13 Ó 16 DE MAIO EN PRÍNCIPE FELIPE AS «I XORNADAS SOBRE ACCESIBILIDADE UNIVERSAL NO TURISMO»

A actividade formativa será gratuíta, está homologada pola Xunta e contará coa participación de profesionais do sector e hosteleiros

A Deputación Provincial de Pontevedra celebrará do 13 ó 16 de maio nas instalacións da Cidade Infantil Príncipe Felipe as «I Xornadas sobre Accesibilidade Universal no Turismo».

A actividade formativa contará coa participación de 30 profesionais do sector como guías, técnicos de turismo e responsables de turismo dos concellos; así como de diversos profesionais do sector hosteleiro na provincia, entre outros. Será totalmente gratuíta e estará impartida por profesionais de COGAMI.

Asemade, a iniciativa está homologada pola Xunta de Galicia o que é moi importante para estes profesionais porque moitos deles como as guías de turismo teñen a obriga de cursar un número de horas anuais de formación para manter o seu título. As xornadas celebraranse en horario de 10:00 a 15:00 horas.

Con esta iniciativa a Deputación pretende contribuír a que técnicos e xestores do destino Ría Baixas, é dicir, aqueles que teñen un contacto directo co turista, adquiran unha formación mellor e máis completa. Neste caso concreto, asemade, ampliarán a súa formación para atender ó turista que presente calquera tipo de discapacidade.

A continuación detallamos a temática e os horarios dos distintos módulos que se van a impartir:

Luns, 13 de maio de 2013:

·        10:00 horas→ «A Accesibilidade Universal e o deseño para todos: deseño, aplicacións, e axudas técnicas».

·        11:00 horas→ «Marco normativo, lexislación vixente: autonómica, estatal e comunitaria».

·        13:00 horas→ «Accesibilidade urbanística e arquitectónica: teoría e aplicacións e axentes implicados».

Martes, 14 de maio de 2013:

·        10:00 horas→ «Accesibilidade no transporte: teoría e aplicacións e axentes implicados».

·        11:00 horas → «Prestación de servizos turísticos: teoría e aplicacións e axentes implicados».

·        12:00 horas → «Accesibilidade nas TICs».

·        13:00 horas → «Accesibilidade dende a experiencia do cliente».

Mércores, 15 de maio de 2013

·        10:00 horas→ «Cómo auditar o meu establecemento e a prestación de servizos».

·        12:00 horas→ «Sinalización e wayfinding (localización mediante novas tecnoloxías).

·        13:00 horas → «Boas práticas».

·        14:00 horas→«Incidencia da accesibilidade nos resultados empresariais».

Xoves, 16 de maio de 2013

·        10:00 horas → «Xestión e certificación da accesibilidade. Criterios DALCO e UNE170001-2.

·        11:00 horas → «O modelo de xestión de COGAMI: modelo EFQM; e modelo ISO9001:2008.

·        12:00 horas → «Práctica de auditoría».

13:00 horas →«As persoas con discapacidade como clientes. Pautas de trato adecuado».