· O arquivo conta agora cun máis de
2.000 unidades con documentación de inicios do século XIX
O servizo técnico do
patrimonio documental da Deputación de Pontevedra rematou un novo proceso de
actualización da documentación transferida no último ano dende as propias
oficinas xestoras ó arquivo municipal do concello de Barro.
Para conseguilo
realizáronse tarefas de clasificación, ordenación, descrición e instalación dos
seus documentos; o que supuxo a transferencia de 178 novas unidades de
instalación e 23 metros lineais de instalación.
Esta acción completa o ciclo
de asistencia permanente en patrimonio documental e deixa ó arquivo cun total
de 2.049 unidades de instalación con documentación datada entre os anos 1839 e
2013.
Alcance e contido
O primeiro proceso
organizativo levouse a cabo en 1992, acometéndose dende entón actuacións de
reincorporación, informatización e adaptación ó novo cadro de clasificación usado
na actualidade para estes procesos, incluída a mellora do estado do local.
A maior parte dos fondos datan
do século XX, sendo a máis abundante e antiga a relativa a control e xestión
orzamentaria, impostos de contribución territorial rústica e urbana, obras
municipais e patrimonio. Por outra banda hai importantes perdas documentais no
referido ós libros de actas do Pleno onde hai un baleiro dende 1840 ata 1866 e
de 1885 a 1888. Tampouco existen libros de actas correspondentes á Xunta
Municipal de Asociados.
Esta actuación súmase ás
labores de mellora, actualización e informatización de arquivos que realiza a
Deputación de Pontevedra a través do Servizo Técnico do Patrimonio Documental,
como por exemplo ás labores de asistencia levadas a cabo no arquivo de Cerdedo,
ou a dixitalización da totalidade dos libros do organismo provincial.
No hay comentarios:
Publicar un comentario