No IES de Barro 90. Máis de 32.550 estudantes comezan nos 48 concellos da Delegación Territorial da Xunta en Pontevedra o curso de educación secundaria, bacharelato e outras ensinanzas

• Hai 16.775 matriculados en educación secundaria obrigatoria (ESO), mentres que bacharelato o cursarán 5.837 rapaces
• Ademais, hoxe tamén volveron ás aulas os alumnos e alumnas dos ciclos formativos de Formación Profesional Inicial e dos Programas de Cualificación Profesional Inicial
• Na provincia de Pontevedra investíronse este ano case 900.000 euros en reformas e melloras dos centros de Secundaria

Un total de 32.552 estudantes inician hoxe o curso en educación secundaria obrigatoria (ESO), bacharelato e ensinanzas de réxime especial nos centros educativos nos 48 concellos dependentes da Delegación da Xunta en Pontevedra. Segundo os datos provisionais de matriculación, son 16.775 as alumnas e alumnos que volven ás aulas da ESO, e 5.837 ás de bacharelato. En programas de cualificación profesional inicial serán 1.091, 5.442 en ciclos formativos, e 3.407 nas ensinanzas para adultos.
Deste xeito, hoxe tamén dan comezo as clases nos ciclos formativos de Formación Profesional e nos Programas de Cualificación Profesional Inicial (PCPI) que se imparten nos institutos de educación secundaria (IES) e nos Centros Integrados de Formación Profesional (CIFP) da provincia de Pontevedra.
Cómpre sinalar que a totalidade dos centros iniciaron a súa actividade con normalidade, tal e como comprobou o delegado territorial da Xunta en Pontevedra, José Manuel Cores Tourís, que estivo nas primeiras horas do curso escolar no CIFP Carlos Oroza da capital pontevedresa acompañado do xefe territorial de Cultura e Educación, César Pérez Ares así como da deputada Ana Isabel Vázquez, en representación da Deputación de Pontevedra.
Neste senso, durante a visita, ademais de dar a benvida ao novo equipo directivo do centro, tamén aproveitou o delegado territorial para comprobar o remate das obras de mellora do edificio, no que se investiron 60.000 euros na reforma da cuberta.
José Manuel Cores Tourís insistiu na importancia para a cidade de Pontevedra tanto deste Centro Integrado de Formación Profesional como de o de A Xunqueira, xa que “permitiron aumentar dende 2011 un 21% máis de prazas de FP na capital da provincia”. Na cidade do Lérez ofértanse así 11 ciclos, ao que hai que sumar a posta en marcha en Pontevedra dun proxecto de FP Dual, “o primeiro relacionado con Hostalería de Galicia”, engadiu o delegado territorial. “Esta iniciativa supón un paso máis na estratexia da Consellería de Cultura e Educación en pro dunha formación de calidade en colaboración coas empresas galegas, facilitando así ao alumnado dos ciclos formativos a compaxinación dos seus estudos co traballo efectivo nunha situación real”.
En relación as obras realizadas nos centros de secundaria da provincia, Cores Tourís asegurou que roldou este ano os 900.000 euros, dos cales 235.000 foron destinados á mellora dos edificios educativos da cidade de Pontevedra, onde se reformaron instalacións eléctricas, ascensores e estruturas.
Educación Secundaria
Segundo os datos provisionais da Xunta de Galicia, un total de 16.775 estudantes empezarán o curso nos 48 concellos da demarcación territorial de Pontevedra que imparten a Educación Secundaria Obrigatoria.

 

 

	Educación secundaria obrigatoria			Total Educación secundaria obrigatoria
	Privado		Público
Comarca	Concertado	Non Concertado	-
A Cañiza	0	0	246	246
Caldas de Reis	129	0	332	461
Catoira	0	0	112	112
Cuntis	0	0	124	124
Moraña	0	0	132	132
Portas	0	0	122	122
Pontecesures	0	0	74	74
Valga	0	0	198	198
Lalín	187	0	517	704
Rodeiro	0	0	69	69
Silleda	81	0	187	268
Vila de Cruces	0	0	115	115
A Guarda	198	0	226	424
O Rosal	0	0	183	183
Tomiño	0	0	400	400
Tui	107	47	627	781
Mondariz	0	0	139	139
Mondariz Balneario	0	57	0	57
As Neves	0	0	174	174
Ponteareas	244	0	752	996
Bueu	96	0	327	423
Marín	340	0	522	862
Cambados	184	0	496	680
O Grove	0	0	408	408
Meaño	0	0	156	156
Meis	0	0	163	163
Ribadumia	0	0	172	172
Sanxenxo	125	0	444	569
Vilagarcía de Arousa	293	0	1142	1435
Vilanova de Arousa	0	0	358	358
Illa de Arousa	0	0	200	200
Barro	0	0	90	90
Cotobade	0	0	99	99
Pontevedra	928	200	2433	3561
Poio	0	191	411	602
Pontecaldelas	0	0	284	284
Vilaboa	0	0	165	165
A Estrada	62	0	609	671
Forcarei	0	0	98	98
Totales	2974	495	13306	16775

Bacharelato ordinario
Tamén comezaron as clases os 5837alumnos do bacharelato ordinario. Segundo a titularidade dos centros, os públicos acollen o maior número de alumnos, un total de 5407 alumnos fronte os 430 que cursan estes estudos en centros privados (concertados ou non concertados).

	Bacharelato		Total Bacharelato
	Privado	Público
Concellos	Non Concertado	-
A Cañiza	0	79	79
Caldas de Reis	0	214	214
Valga	0	67	67
Lalín	0	287	287
Silleda	59	70	129
Vila de Cruces	0	61	61
A Guarda	0	226	226
Tomiño	0	90	90
Tui	0	324	324
Mondariz Balneario	72	0	72
As Neves	0	45	45
Ponteareas	0	321	321
Bueu	0	125	124
Marín	30	273	303
Cambados	0	220	220
O Grove	0	98	98
Sanxenxo	0	234	234
Vilagarcía de Arous	0	587	587
Vilanova de Arousa	0	170	170
Pontevedra	174	1491	1665
Poio	95	109	204
Pontecaldelas	0	44	44
A Estrada	0	232	232
Forcarei	0	40	40
Totales	430	5407	5837

Outras ensinanzas
No que atinxe ás ensinanzas para adultos, estímase que nos 48 concellos dependentes da Delegación Territorial de Pontevedra as cursarán no curso 2012/2013 un total de 3.407 persoas, das que 220 están matriculadas en ensinanzas básicas de nivel I e II, 1.424 en educación secundaria para adultos, 939 en ciclos formativos e 824 en bacharelato presencial e semipresencial ou a distancia.