O CURSO 2013/2014 DE EDUCACIÓN INFANTIL E PRIMARIA COMEZA CON TOTAL NORMALIDADE PARA OS 230 ESCOLARES DE BARRO - Voz de Barro. Noticias

Breaking

El tiempo en Barro

El tiempo - Tutiempo.net

miércoles, 11 de septiembre de 2013

O CURSO 2013/2014 DE EDUCACIÓN INFANTIL E PRIMARIA COMEZA CON TOTAL NORMALIDADE PARA OS 230 ESCOLARES DE BARRO


O CURSO 2013/2014 DE EDUCACIÓN INFANTIL E PRIMARIA COMEZA CON TOTAL NORMALIDADE PARA OS 37.621 ESCOLARES DE PONTEVEDRA E A SÚA ÁREA TERRITORIAL

§         Nos centros de Educación Infantil dos 48 concellos que conforman o ámbito da Delegación Territorial da Xunta en Pontevedra están matriculados 12.465 alumnos e alumnas, e nos de Educación Primaria son 25.156
§         O delegado territorial da Xunta en Pontevedra, José Manuel Cores Tourís, visitou, con motivo deste comezo de curso, o CEIP Carballal de Marín
§         Lamentou que a única incidencia, non imputable á Consellería, produciuse en tres unidades de infantil do CPI Torre Illa, onde os alumnos non poderán comezar as clases ata os vindeiros días porque o Concello da Illa da Arousa non pintou as aulas ata comezos desta semana
§         Na provincia de Pontevedra investíronse en obras de mellora de colexios de Infantil e Primaria no que vai de ano 2 millóns de euros 
 
 
A normalidade foi a tónica xeral do comezo das clases nos ciclos de Educación Infantil e Primaria para os 37.621 alumnos pertencentes aos 48 concellos da área da Delegación Territorial da Xunta en Pontevedra, segundo destacou o delegado territorial da Xunta en Pontevedra, José Manuel Cores Tourís, quen aproveitou a xornada para acercarse ata o CEIP Carballal de Marín, onde estivo acompañado nesta pola alcaldesa da localidade, María Ramallo, e o xefe territorial de Cultura e Educación en Pontevedra, César Pérez Ares.

Segundo apuntou o responsable da Delegación Territorial de Pontevedra, no caso dos 48 concellos dependentes desta área, foron 12.465 os alumnos e alumnas que comezaron hoxe as clases en Infantil e 24.156 en Primaria.  

A única incidencia, non imputable á Consellería, produciuse en tres unidades de infantil do CPI Torre Illa, onde os alumnos non poderán comezar as clases ata os vindeiros días porque o Concello da Illa da Arousa non pintou as aulas ata comezos desta semana.

“É de lamentar que, sabendo que as obras remataron na data comprometida pola Xefatura Territorial, o concello non levara a cabo o pintado das aulas en tempo e forma e que agora, 44 nenos teñan que agardar varios días para comezar o curso”, engadiu José Manuel Cores Tourís. “Trátase dunha irregularidade do concello pero tamén do centro que non informou da situación a Xefatura Territorial de Cultura e Educación en Pontevedra”.

En relación ao concello de Marín, Cores Tourís destacou o importante investimento que a Consellería de Cultura e Educación realizou neste concello. “Estamos a falar de case 600.000 euros dende 2009 en obras de centros de Infantil, Primaria e Secundaria”, explicou o delegado territorial, quen subraiou a importancia das obras executadas durante os últimos meses tanto no propio CEIP O Carballal, onde se investiron 45.000 euros na reforma eléctrica do edificio, como na execución dos novos vestiarios de A Laxe, onde o investimento superou os 173.000 euros.

“Quixemos acudir ata este concello para a inauguración do novo curso porque é un exemplo de colaboración entre institucións. Grazas a que municipios como Marín e moitos outros teñen a sensibilidade de colaborar coa Consellería poden levarse a cabo moitos dos proxectos que, doutro xeito, serían inviables dada a actual situación económica”, rematou o delegado territorial.

Pola súa banda, o xefe territorial de Educación en Pontevedra, César Pérez Ares destacou tamén a “normalidade da volta ao cole na provincia de Pontevedra”. Recordou que ao longo da mañá visitou varios colexios en concellos como Moaña e Pontevedra. No caso da capital da provincia, puido comprobar o arranque das clases no CEIP Cabanas de Salcedo e no CEIP Álvarez Limeses, ambos na cidade do Lérez, onde puido comprobar, no caso do primeiro centro, o remate das obras de mellora de aseos e cuartos de limpeza. César Pérez Ares recordou que tamén se executaron obras de mellora noutros centros educativos da cidade do Lérez, como o CEIP Campolongo, que conta cun novo comedor, o Froebel, onde xa se finalizou a primeira fase de reforma da cuberta ou a mellora do ascensor do centro Marcos da Portela.

Obras de mellora
Pola súa banda, o delegado territorial recordou que entre as obras máis importantes executadas nos últimos meses por Educación en Pontevedra se atopan a ampliación dos colexios de A Illa de Arousa e do Julia Becerra Malvar de Ribadumia.

Na provincia de Pontevedra invéstironse en obras de mellora de colexios de Infantil e Primaria no que vai de ano 2 millóns de euros aos que hai que sumar 900.000 máis destinados a centros Secundaria.




Total    





Concello
Infantil
Primaria

Arbo
48
92
140
Cañiza
115
258
373
Covelo
40
87
127
Crecente
19
58
77
Caldas de Reis
288
592
880
Catoira
97
192
289
Cuntis
103
172
275
Moraña
124
213
337
Portas
86
151
237
Pontecesures
73
178
251
Valga
143
324
467
Dozón
11
22
33
Agolada
27
74
101
Lalín
 463
900
1363
Rodeiro
39
91
130
Silleda
212
417
629
Vila de Cruces
97
192
289
A Guarda
283
603
886
Oia
77
144
221
Rosal
90
282
372
Tomiño
284
620
904
Tui
589
1135
1724
Mondariz
87
173
260
Mondariz Balneario
14
27
41
As Neves
87
188
275
Ponteareas
 725
1536
2261
Bueu
293  
567
860
Marín
670
1347 
2017
Cambados
403
831
1243
Illa de Arousa
178
301
479
O Grove
278  
629
907
Meaño
158
310
468
Meis
106
214
320
Ribadumia
177
257
434
Sanxenxo
  497
958
1455
Vilagarcía de Arousa
1056  
2107
3163
Barro
85
145
230
Campolameiro
25
76
101
Cotobade
83
143
226
A Lama
28
75 
103
Pontevedra
  2687
5402
8089
Poio
446   
888
1334
Ponte Caldelas
127
268
395
Vilaboa
137
265
402
Cerdedo
17
39
56
A Estrada
457
939
1396
Forcarei
36
115
151








 Atención a todas las necesidades
Neste punto cómpre destaca que a Consellería volve a garantir a axeitada atención docente a todo o alumnado galego, prestando especial atención e apoio aos estudantes con necesidades específicas de atención educativa – pedagoxía terapéutica ou audición e linguaxe, entre outros-, así como o mantemento da calidade do ensino.

Así, e grazas a diversas medidas tomadas a cabo pola Administración, cunha xestión eficiente dos recursos docentes, o que da resposta á demanda da cidadanía galega, e a aplicación do Decreto de Atención a diversidade garántese a atención ás alumnas e alumnos que máis o necesitan, mantendo a calidade do noso ensino.

Servizos complementarios
O mesmo día do comezo de curso escolar empezarán a funcionar os servizos de transporte e os de comedor xestionados dende a Consellería. Ámbolos dous foron adaptados, un ano máis, as necesidade existentes para o presente curso nos centros educativos, dando así resposta ás alumnas e alumnos.

A Consellería de Educación volve deste xeito demostrar o seu interese polo benestar dos estudantes galegos, e a pesar da complicada situación económica que se vive nestes momentos fai un esforzo a prol das alumnas e alumnos. 

No hay comentarios:

Publicar un comentario