ACTIVADO O PLAN DE VIALIDADE INVERNAL DE PONTEVEDRA NO QUE TRABALLARÁN MÁIS DE 100 OPERARIOS PARA GARANTIR A SEGURIDADE DE 2.800 QUILÓMETROS DE ESTRADAS AUTONÓMICAS NA PROVINCIA

§         Os seis centros operativos distribuídos entre a zona norte e sur ocuparanse de activar as medidas do Plan de Vialidade Invernal, que estará operativo ata o vindeiro 30 de abril

§         A Consellería de Medio Ambiente, Territorio e Infraestruturas dispón de 8 camións, 5 retroescavadoras e 8 máquinas de esparexedor de sal para solventar calquera incidencia nas 139 estradas da provincia

A Xunta de Galicia, a través da Consellería de Medio Ambiente, Territorio e Infraestruturas, vén de activar o Plan de Vialidade Invernal na provincia de Pontevedra, que reforzar a seguridade viaria na rede de estradas de titularidade autonómica nesta provincia ata o vindeiro 30 de abril.

O departamento que dirixe Agustín Hernández dispón para este ano dun operativo, que estará integrado por 31 maquinarias, como camións, retros, cuñas, follas e exparexedoras de sal e salmoira.

Os centros operativos desta provincia divídense en dúas zonas: norte, ubicados en Pontevedra e Lalín; e a sur, localizados en Salvaterra e Couso. A este centros tamén se suman os centros de Mosteiro na AG-41 e do Toural na AG-57.

	Conservación ordinaria e vialidade invernal		Concesións
	Subzona	Centros	Centros
ZONA NORTE	Pontevedra	Pontevedra	AG-41 Mosteiro
	Lalín	Lalín
	Morrazo
ZONA SUR	Mondariz	Salvaterra	AG-57 Toural
	Gondomar	Couso
	A Cañiza
TOTAL		4	2

Este centros disporán da maquinaria necesaria para o mantemento dos 2.800 quilómetros de estradas da Xunta na provincia de Pontevedra, como 7 silos e acopios con máis de 200 toneladas de sal e salmoira, cuñas, retoescavadoras e 8 esparexedores de sal. No seguinte mapa indícanse o reparto de centros operativos na provincia de Pontevedra para facer fronte ás incidencias nas estradas:

Na actual campaña, este plan inflúe en toda a rede viaria autonómica na provincia, isto é máis de 2.800 quilómetros, nun total de 139 estradas e supón máis de 109 postos de traballo

					Conservación Ordinaria	Vialidade Invernal
Servizo de infraestruturas					32
ZONA NORTE		Empresa Conservadora	Pontevedra		12	2
			Lalín		6	2
			Morrazo		7
		Concesión AG-41			7	2
ZONA SUR		Empresa Conservadora	Mondariz		15	4
			Couso		9	2
		Concesión AG-57			9
TOTAL					109

En toda Galicia

Este Plan é unha ferramenta clave para evitar os problemas que podan xurdir nas épocas de inclemencias meteorolóxicas e, así, contar cun adecuado protocolo de actuación. Con este operativo, establecese a organización e os procedementos de actuación dos recursos dispoñibles polo Executivo autonómico co propósito de garantir e mellorar as condicións de vialidade na rede de estradas da Comunidade autónoma, que se poden ver dificultadas no inverno pola presenza de fortes choivas, a formación de placas de xeo, ou a aparición de neve, reducindo ao mínimo o número de tramos con restricións ao tráfico.

As medidas e actuacións a levar a cabo divídense en dous grandes grupos:

• Preventivas, para anticiparse aos posibles problemas que poidan xurdir.
• Curativas, para garantir a vialidade e intentar incrementar a seguridade nas estradas.

Para aplicar estas medidas e actuacións, o Goberno galego pon a disposición os recursos necesarios, materiais e humanos, en cada unha das provincias. Para elo, o Plan de Vialidade Invernal da Xunta de Galicia aplícase en todas as estradas da Rede Autonómica, cun total de 5.498,33 quilómetros.

En todo caso, cabe sinalar que se levan a cabo de forma habitual accións preventivas, aínda que a estrada se atope aparentemente libre de xeo ou neve. As máquinas dispoñen dos correspondentes sistemas de empuxe para a neve (en forma de cuña e folla) e de esparexedores de fundentes.