Unha veciña de Barro necesita dobre dose de antídoto tras recibir tres picaduras de velutinas - Voz de Barro. Noticias

Breaking

El tiempo en Barro

El tiempo - Tutiempo.net

miércoles, 27 de junio de 2018

Unha veciña de Barro necesita dobre dose de antídoto tras recibir tres picaduras de velutinas






Benigna Cancela, unha veciña de Parada, na parroquia de Portela, en Barro, sufriu ata tres picaduras de avespas velutinas e viuse na obriga de acudir a un centro médico, onde necesitou de dúas inxeccións de antídoto e a aplicación dunha pomada.

Stop Velutinas Umia informou de que as avespas a atacaron cando estaba coa man apoiada nun muro de pedra. As velutinas estaban agochadas nunha fenda.

O grupo veciñal de voluntarios do Concello de Barro xa eliminou o niño primario este martes pola tarde. Tratábase dun niño primario en estado xa avanzado.

Desde a Asociación Stop Velutina Umia alertan da presenza de niños primarios "onde menos se espera". E por iso piden aos cidadáns "que estreiten a vixilancia para poder avistalos e eliminalos" antes de que pasen ao estado secundario, cando acadan un maior tamaña e son moito máis difíciles de retirar.

https://www.diariodepontevedra.es/articulo/comarca-de-pontevedra/vecina-barro-recibiu-picaduras-velutinas/20180626191817988096.html

No hay comentarios:

Publicar un comentario