Amigos da Fervenza da Barosa colabora na "Gala Solidaria 1kg/1L Curro 2013" organizada por Galicia Espectáculo

A Asociación Cultural "Amigos da Fervenza da Barosa" de Barro xunto á Comunidade de Montes de Curro e Distribuciones Cárnicas Lovar serán os colaboradores do concello de Barro que participarán na "Gala Solidaria 1Kg/1L" organizada pola empresa de contratación de espectáculos "Galicia Espectáculo" e Comunidade de Montes de Curro que acollerá a presentación de cinco orquestas en dito evento, Nueva Libertad, Anova Big Band, Gran Casino, Canadá, e América no campo parroquial das festas de Curro-Barro.

Aproveitando a ocasión, preténdese recoller alimentos non perecedeiros para doar a Cáritas Interparroquial. A AC Fervenza da Barosa, que xa organizou no concello "Barro Nadal Solidario" que logrou recolectar máis de media tonelada de alimentos para os veciños máis necesitados de Barro, non dubidou en poñerse a disposición da axente de Galicia Espectáculo, Vivian Gómez, para sumarse ao proxecto e participar activamente nunha nova recollida de alimentos que se entregará o día 10 de Maio na presentación.

Tódolos asistentes que queiran participar na "Gala Solidaria" poden aportar voluntariamente, se así o desexan para colaborar" 1Kg/1L de alimentos. Aos asistentes agasaráselle con paella dende as 22:00 ás 24:00.